شرقي آذربايجانين راه و ترابري كولّ موديري دئدي: تبريزـزنجان اوتوباني اؤلكه‌نين بيرينجي داغيلق اوتوبانيدير. اوروجعلي عليزاده بويون تبريزده بو مراسيمين حاشيه‌سينده فارس خبرنيگاري‌اينين دانيشيقدا دئدي: تبريزـزنجان اوتوباني سراسري تهران ـ زنجان ـ تبريز ـ بازرگان اوتوباني و هابئله ايپك يولونون بير تيكه‌سيدير. او آيدينلاتدي: ايرتيباطي دامارلار (جاده، رئيل، دريا و هاوا) قالارگي توسيعه‌نين شاخيصلريندندير و اوتوبانلار اؤلكه‌ميزين ايرتيباطي شبكه‌لرينده مومتاز موقعيّتده قرار تاپيبلار. شرقي آذريبايجانين حمل و نقل كولّ موديري ايدامه وئردي: بونا خاطير تبريز-زنجان اوتوبانيندا اولان آغير تيرافيك و بو اوتوباندا اولان 6 اوستان مركزي و اونلارجا موهوم شهرين اولماسي بو محورين دوزلتمه‌سي‌نين ضرورتيني ايكي قات ائلير. عليزاده هابئله دئدي: ايسلامي شورا مجليسي‌نين 1366-جي ايلينده تصويب ائله‌ديغي «بانكلار و آيري پول منبعلرين موشاريكتي‌اينن يول و شهرسازي ويزارتي‌نين عومراني پروژه‌لري‌نين احداثي»، قانونون ايجراسيندا، 1375-جي ايلينده تبريز-زنجان اوتوباني‌نين احداثي «ملّي»،«صادرات»،«رفاه‌كارگران» بانكلاري‌نين موشاريكتي‌اينن ايشه باشلادي. او آرتيردي: 1384-جو ايلينده خوصوصي بخشين عومراني طرحلرده موشاريكته ترغيب ائله‌مك اوچون، حمل و نقل ويزارتي موهوم تغييرلر اعمال ائله‌دي و خوصوصي بخشين سهميني 60% ائله‌دي و موشاريكت قانونو اساسيندا وظيفه‌سي وار دؤره بويوندا بهره‌بردارليق و ساخلاماغي كاميل صورتده يئرينه گتيره. عليزاده دئدي: تبريز-زنجان اوتوباني 285 كيلومتر بويوندا بير داغليق اوتوباني و يول دوزلتمه پروژه‌لرين لاب بؤيوكلريندندير كي 13 پيمانكار و 5 داخيلي موشاوير موهنديسين همكارليغي‌اينن 6 قطعه‌ده احداث حاليندادير. او دئدي: بو اوتوبانين بيرينجي فازي 81 كيلومتر بويوندا 1383-جو ايلينده قورتولدو. عليزاده آرتيردي: بو اوتوبانين 6 باندي وار و اني 31.30 متيردير و گئد-گل باندلارين‌آراسيندا دا گارديل وار. اوفوقي قووسون لاب آز شوعاسي 1500 متير و لاب چوخ شيبي 5%دير.