سرکند
دیزه شیررانی
چوخ
اوجا اولمایان بو شیرران، جنوبی میشو دهستانیندا شبیسترین سرکند دیزه (سرکند دیزج)
کندینین 2 کیلومئتیرلیییندهدیر. سویو میشووون یوخریلاریندا
گلر. یاغیشلی ایللرده سویو داها چوخ اولور. کنارلارینین منظرهلری اوستانین طبیعی
جاذبهلریندندیر.
خارابا
دییرمان (آسیاب خرابه) شیررانی
خارابا
دییرمان شرقی آذربایجانین ان گؤزل گورملی یئرلریندندیر. بو شیرران، بیر سو دییرمانینین
ویرانالارینین اولدوغو اوچون خارابا دییرمانا آدلیم اولوب. بورایا گئتمک اوچون
مرند-جولفا یولوندان مهدیشهره(علمدارگرگر) گئتمک لازیمدیر. اورادان دا ایران اسلام
جمهوریتی-آذربایجان جمهوریتی مرزیندهکی بیر فرعی توپراق یوللا،
خارابا دییرمانین یئرلهشدییی گؤزل بیر دره‌یه
گئدیلیر. تبریزدن جولفا-علمدار فرعی جادهسینه قدر 160 کیلومئتیر و
علمداردان خارابا دییرمانا قدر 27 کیلومئتیردیر.
بو
منطقهده بیر چشمه وار کی سویو کیامکی داغیندان
گلر. چشمهنین مظهرینده انجیر آغاجلاری بیتیب. سو،
بیر شیررانا دؤنوشندن سونرا، درهدهکی چایا توکولوب شمالا ساری آخیر.درهنین ساغیندا
بیر چوخ شیرران وار. دیوارلار، یوسون (خزه) و سو بیتکیلرییله اؤرتولودور. یوزلرجه
بؤیوک و کیچیک شیرران و سو شیریلتیسی، تایسیز گؤرونوم و سرین هاوا گؤزل جاذبهلرندندیر.
شیررانین
اصلی اوجالیغی 10 مئتیر و محوطهنین مساحتی 200 مربعمئتیردیر.
عئیشآباد شیررانی
اوجالیغی
15 مئتیر اولان بو شیرران، غربی میشووون داغلیق قیسمتینده، مرند شهرستانینین مرکزی
بخشینده، عئیشآباد کندی طرفلرینده یئر
آلیبدیر. اورایا گئدن یولون بیرآزی ماشین گئدهبیلن قالانی دا داغلیقدیر. مساحتی 300
مربعمئتیردیر. داغین اتیینده و درهده تایسیز بیر منظره اورتایا قویولوبدور.