سیزین ده یوخ دئماغین چتینلیغیز اولسا بو یازینی اوخوساز سیزه فایدالی اولار.
اؤز واختیزی اؤز برنامه‌زینن صرف ائله‌ماق ایسته‌سز بعضاً «یوخ» دئیه بیلمه‌لیسیز.
بونون اوچون بئش ساده یول وار:
صادق اولون. صادق اولماق ادبسیز اولماق معناسیندا دئییل. صداقت لاپ یاخشی
سیاستدیر. مثلاً سیزدن اوشاغیزین مدرسه‌سینده داوطلب ایشلرین گؤرولمه‌سی ایستنسه،
چوخ صداقتینن دئیه بیلرسیز: «گؤیلوم بو ایشی گؤرماغی ایسته‌مه‌سینه رغماً بیر سئری
محدودیتلر مانع اولور و شرمنده‌لیغینان بو ایشی قبول ائلیه بیلمیرم». همیشه حقیقتی
ظریف یول‌لارینان دئماق اولار. بو مرحله‌ده صراحت و صداقت لاپ تأثیرلی استراتژی
ساییلیر. حتی اگر بو یول سیزه چتین گلسه آیری یوللاری امتحان ائلیه بیلرسیز.
اغراق ائله‌یین.
قئیین قودا اینن شام یئماغا حالیز اولماسا، حالسیزلیق و مریضلیقدان یاخجی بهانه
تاپیلماز. مسلماً هئچ کس شدتلی آنفولانزا توتموش بیری اینن بیر سفره باشیندا
اوتورماق ایسته‌مز. بئله‌لیغینان بیرینی اینجیتمه‌دن چوخ راحت اونلارین دعوتینه
یوخ دئیه بیلرسیز.
باشیز شولوغ
اولسون. بو
گونلر هامی‌نین باشی شولوغ اولور و هئچ کسین باش قاشیماغا واختی اولمور. بو دا یوخ
دئماغا آیری بیر بهانه. بیری‌نین دعوتینی رد ائله‌ماق ایسته‌سز لاپ یاخشی یول بو
اولار کیگؤره‌جاغیز ایشلرین لیستینی اونا گؤرسه‌ده‌سیز و باشیزین نه قدر شولوغ
اولدوغونو او دا بیلسین.
متأسف اولون.
بعضاً ده بیر دعوتین ردّی اوچون بهانه گتیرماق ایسته‌میرسیز. آما یئنه نگران
قالمایین. اونلارا بو دعوتی قبول ائلیه بیلمه‌دیغیز اوچون نه قدر متأسف اولدوغوزو
بیان ائله‌سز «یوخ»ون آجیلیغی‌نین بیر آزی آلینار. تأسف و عذر خواهلیق آیریلاری
اینن همدل اولماغین لاپ یاخشی یوللاریندان ساییلیر.
اوّل‌دن یوخ
دئماغا حاضر اولون. یوخ دئماق هنرینی اوّل‌دن اؤرگشین. یوخاریداکی یول‌لارین هر
بیرینی استفاده ائلیه بیلرسیز آما هامیسندان مهم اؤزوزه و زمانیزا ارزش
وئرماغیزدیر. دوزگون بیر تصمیمین توتماسی اوچون زمان قازانماقدان قورخمایین.
اطرافداکیلارین سیزین اونلارینان برابر اولماق اوچون چالیشمازا ارزش قایلدیلر حتی
جوابیز یوخ اولسا بئله. بونا گؤره اوّل‌دن یوخ دئماغا تمیرینیز اولسون.