شرقی
آذربایجان هنری حوزه‌سی‌نین رئیسی دئدی: شرقی آذربایجانین هنر حوزه‌سی تبریز 2018
اوچون مختلف برنامه‌لری وار. حسن میلانی خبرنگارلار جمعینده آرتیردی: تبریزین 2018-جی
ایلینده اسلامی اؤلکه‌لرین توریست پایتختی کیمی سئچیلمه‌سی بو شهر اوچون چوخ مهم
حادثه ساییلیر و بو فرصتدن تبریزین واقعی جایگاهینی تانیتدیرماق اوچون دوزگون
استفاده ائله‌ماق لازمدیر.
او، استانین
هنری حوزه‌سی‌نین تبریز 2018 ده‌کی جایگاهینا اشاره ائله‌ماغینان آرتیردی: هنری
حوزه آیری فرهنگی ارگانلارین کناریندا بو مسأله‌ده مهم نقشی اولاجاق و شهروندی تعلیماتی
چوخالتماغینان توریستلرین استقبالی اوچون لاپ یاخجی شرایطی حاضرلایاجاق.
میلانی
آرتیردی: بو اساسدا تبریز 2018 انیمیشنی‌نین فراخوانی، هنرمندلرینن ارتباطا گئچماق
هدفی اینن وئریله‌جاق و بو استانین ظرفیتیندن دوزگون استفاده اولوناجاق. او
خاطرلاتدی: استانین موسیقی واحدی تبریز 2018 اوچون مختلف موسیقی‌لر تولید ائله‌ماغینان
بو زمینه‌ده اولان وظیفه‌سینی یئرینه گتیرماغا چالیشاجاق.