نظرسنجی و مدیریتی شرکتی اولان بین المللی «گالوپ» مؤسسه‌سی تازالیقدا وئردیغی گزاریشده ایران جماعتینی عراق جماعتی اینن بیرلیقدا دنیانین لاپ غضبلی انسانلاری و گونده‌لیق لاپ چوخ منفی تجربه‌یه صاحب اولان جماعت کیمی تانیتدیردی. بو مؤسسه 2013-جو ایلینده ده ایران جماعتینی ایکینجی غمگین جماعت تانیتدیرمیشدی. بو مؤسسه‌نین تحقیقلرینه گؤره دنیانین لاپ شاد اؤلکه‌لری پاراگوئه، کلمبیا و اکوادور مملکتلریدیر.

سلامت نیوزون وئردیغی خبره گؤره، بو لیسته باخاندا شادلیغی و یا غصه‌لی اولماغین چوخدا اقتصادی شرایطه باغلی اولمادیغی اوزه چیخیر. بلکه بو مسأله‌نین تاریخی حادثه‌لره و اجتماعی فرهنگی مسأله‌لره داها آرتیق ربطی وار.