انسانین تاریخینده دؤلتلری و تمدنلری ییخان اساس سببلردن تجمل دالیسیجان اولماق اولوب. بو روحیه، تمدنلرین سوستالماسی و ضعیفله‌مه‌سینه سبب اولور.
قرآن آیه‌لری‌نین بویوردوغونا اساساً، تمدنلرین ییخیلما سسبلرینی اونلارین ائشیگینده یوخ بلکه ایچلرینده آختارماق لازمدیر. بو عامل‌لرین اصلیسی‌ده فساد و تجمّله رغبتلی اولماقدیر. آتن، روم و آیری تاریخی نمونه‌لرین تحقیقی بو مسأله‌نی تأیید ائلیر.
قرآنا گؤره جامعه بیر شخص کیمی اؤز عمل و رفتاری اینن گئتدیغی مسیری تعیین ائلیر و اونلارین مقابلینده مسئولیت صاحبیدیر. بئله‌لیغینان تمدن‌لر و دولتلر فقط سعی و چالیشماغینان قاباغا گئده بیلرلر و اونلارین ییخیلیب داغیلماسی داخلی و خارجی عامل‌لره باغلیدیر کی داخلی عامل‌لرین نقشی داها یوخاریدیر. داخلی سببلرین لاپ مهملریندن بیری‌ده فساد و تجمله رغبت تاپماقدیر. تاریخی فیلسوفلار دا بو مسأله‌یه تأکیدلری اولوب. او جمله‌دن ابن خلدون فسادی و تجمل دالیسیجان اولماغی سیاسی و اجتماعی داعیلمانین اساس سببلریندن ساییر و سؤزونه اندلوسداکی اسلامی حکومتین داغیلماسینی مثال گتیریر. ابن خلدونا گؤره انسانلار نه قدر کی ناز نعمته و تجمله غرق اولسالار او قدر مغلوبیته یاخینلاشارلار.