شرقی آذربایجانین اسلامی تبلیغات اداره‌سی‌نین
عمومی رابطه‌لری‌نین وئردیغی خبره گؤره، اوستانین اعتکاف مراسمی‌نین دبیری اسلامی انجمنلر مسئول‌لاری جمعینده دئدی: اعتکاف مراسمی اوستانین 100 مسجدیندن
چوخوندا اجرا اولاجاق و شرقی آذربایجانین اسلامی تبلیغات اداره‌سی‌ده بو مسجدلرده مختلف مراسملر اجرا ائلیه‌جاق. 13 مین نفرین بو مراسمده شکرت ائله‌مه‌سی تخمین وورولور.
او آرتیردی: بو ایلین اعتکافی کئچن ایللره تای جماعتین مشارکتی اینن اولاجاق و
مداحلار و واعظلر اوستانین اسلامی تبلیغات اداره‌سی طرفیندن اعزام اولاجاق.
طاهری آرتیردی: اعتکاف اولان مسجدلرین هماهنگلیق ایشی باشلانیب. مجلس
انتخاباتی‌نین
یاخین اولماسینی نظرده آلماغینان‌دا اسلامی انجمنلره تاپیشیریلیب بو معنوی مراسمده هئچ جوره سیاسی فعالیته
امکان وئرمه‌سینلر.
طاهری آخرده دئدی: اعتکافین اوّل گونونون معلم گونو و حضرت علی‌نین (ع) ولادتی اینن عین زماندا اولدوغو اوچون، شهید
آتالاری و معلم روحانیلر و علمیه حوزه‌نین اوستادلاریندان نمادین صورتده تجلیل اولاجاق.