تازا تحقیقلرده تک قالماغین، عمرون قیسالیغیندا تأثیرلی اولدوغو بللی اولدو.
بو تحقیق، اوچ میلیون نفرین اوستونده اجرا اولوب.
آمریکانین یوتا ایالتی‌نین «بریگام یانگ» دانشگاهی‌نین روانشناسی دپارتمانی اوستادی،«تیموتی اسمیت»، بو باره‌ده دئییر: «بیز بو مطالعه‌ده اوچ: ورزش ائله‌ماق، قان فشاری و کلسترول داوالارین مصرفی عامل‌لرینی تحقیق ائله‌دوق. آما ایشین آخرینده منزوی اولماغی بونلارین هر بیریندن داها چوخ اؤلومه
سبب اولا بیله‌جاغینی
نتیجه آلدیق».
بو تازا تحقیق، 1980-دان 2014-جو ایلینه قدر، تکلیق و اجتماعی انزوانین عمر
اوزونلوغونداکی تأثیرینه مربوط اولان 70 مطالعه اساسیندا اجرا اولدو. تحقیقده شرکت ائدنلرین متوسط یاشلاری
66 یاش ایدی و اونلارین اوچده بیری مزمن ناخوشلوغا مبتلا ایدیلر.
اسمیتین تحقیق تیمی، اجتماعی انزوانین یعنی اجتماعی فعالیتین اولماماسی و یا
آزلیغی اؤلوم خطرینی یوزده 29 آرتیریر.
قاباقکی مطالعه‌لر ده
تکلیق حسّی، ایستر شخصین اجتماعی فعالیتی اولسون یا اولماسین، اؤلو خطرینی یوزده
26 آرتیرماسینی گؤرسدیردی.
بو مطالعه‌یه
اساساً تکلیغین تأثیری کیشیلرده و خانیملاردا برابر اولور و 65 یاشدان کیچیک
اولانلاردا داها آرتیق تأثیر قویور. البته فیزیکی مشکلون اولماسی‌دا تأثیری چوخالدیر.
بو تحقیقده تک یاشایانلارین بیر آیرسی اینن بیرلیقدا یاشایاندان، یوزده 32
داها چوخ تئز اؤلماق معرضینده اولدوغو بیلیندی.
انسانلارین آیریسی طرفیندن مراقبته و دقّته حیاتی احتیاجلاری وار. تک یاشایان
انسانلاردا بو اساسلی احتیاج تأمین اولونمور و نتیجه‌ده واختیندان تئز اؤلومه سبب اولا بیلیر.