زندگانلیق یولداشیزین سیزی تحقیر ائله‌دیغینی گؤرنده و مختلف یوللارینان سیزه توهین ائله‌دیغینی گؤرنده مشترک زندگانلیغین ادامه‌سی سیزه چتینلشیر. بئله‌نچی وضعیتده سالم و شاد رابطه‌نین معناسیز اولاسی کاملاً طبیعیدیر. سیز ده بو جور
موقعیتده اولسا اؤزوزون و حیات یولداشیزین رفتارینی اصلاح ائله‌ماغا چالیشمالیسیز.
نه ائله‌ماق
اولار؟
احساسیز باره‌ده
دانیشین و ناراحاتلیغیزی همسریزه بیلیندیرین. همسریز تحقیرلی سؤز دئین زمان و یا
پیس رفتار ائله‌دیغی
زمان، همان گونون آخشامی اونا بو عملدن ناراحات اولدغوزو دئیین. نئچه گون سونرایا
ساخلاساز، رفتار و اونون جزئیاتی یاددان چیخا بیلر.
حسّ‌لریزی
دوز و احتراملی دئیین. ائله دانیشمایین کی او گناهکار اولدوغونو و سیزین حددن
آرتیق ناراحات اولمازی حس ائله‌سین.
نمونه گتیرمه‌دن اونا
بیر رفتارین ارتکابینا متهم ائله‌مه‌یین.
اوندان بو عمل‌لرین
سببینی سوروشون. او حیرصلنیب سیزی و یا اؤزگه‌سینی تحقیر ائله‌ینده حتماً بیر شئیدن قورخور و اؤز نگرانچیلیغینی گیزلتماق ایستیر. اونون
رفتاری‌نین
انگیزه‌سینی
تاپساز اونونلا داها راحات دانیشا بیلرسیز.
بیرلیقدا دَییشماغا چالیشین
رفتارین اصلاح ائله‌مه‌سینه لاپ
یاخجی یول بیرلیقدا تاپیلان یولدور. لازم اولسا اؤزوزو دَییشین. اگر او سیزین بعضی
منفی رفتارلاریز و یا نا مناسب سؤزلریزین تأثیرینده، سیزی تحقیر ائلیر، یاخجی
اولار اؤزوزو اصلاح ائلیه‌سیز.
شاید تحقیر اولدوغوز زمان گؤیلوز ایسته‌یه سیز ده قیشقیریب مقابل طرفی تحقیر ائلیه‌سیز. آما مطمئن اولون بو ایش وضعیتی کورلاماقدان علاوه آیری
نتیجه وئرمیه‌جاق.
هر دانیشیغین آخری ایکی طرفین قبول ائله‌دیغی و منطقلی نتیجه‌‌یه چاتمالیدیر. مقابل طرفیز دانیشیق اهلی اولماسا آرتیق اطلاعات آلماق اوچون
حتماً بیلن بیریندن مشورت آلین.