جامعه‌شناسلاری فکره سالان و جامعه‌میزی بوروین مشکل‌لرین بیری‌ده جوانلاریمیزین
ائولنماغا رغبتسیزلیغی و ائولنماق یاشی‌نین چوخالماسیدیر.
بیر عدّه‌نین نظرینه گؤره بو مسأله‌نین اساس عاملی
قیزلاردیر. اونلار بئله اینانیرلار کی اجتماعی استقلال و مالی امکانلارین اولماسی
قیزلاریمیزی ائولنماغا رغبتسیزلندیریب.
اؤلکه‌میزین بؤیوک شهرلرینده آپاریلان تحقیقلره استناداً ائولنمه
آماری‌نین آزالما سببلریندن
بونلاری سایماق اولار: بوشانما، مخصوصاً ائولنماقدان آز فاصله اینن اولان
بوشانمالارین چوخالماسی، خیانتین چوخالماسی، اقتصادی عامل، فردی و اجتماعی فرهنگین
دَییشیلمه‌سی، ایشسیزلیق و ایش امنیتی‌نین اولماماسی.
جامعه‌ده یارانان کاذب احتیاجلار انسانلاری آرتیق و داها آرتیق
خرجله‌ماغا مجبور ائلیر و اقتصادی
وضعین یاخجی اولماماسی‌دا اونلاری بیر جور
چیخیلماز یولا سالیر و نتیجه‌ده جوانلار بونلاری
گؤرماغینان ائولنماغا و خانواده دولاندیرماق مسئولیتی
آلتینا گئتمیرلر.
قیزلاریمیز ائولنماقدان
سونرا، سوبایلیقدا اللرینده اولان امکانلاردان داها آرتیغینی گؤزلورلر و عکس
تقدیرده ائولنماغا رغبت گؤرستمیرلر. اونلارا گؤره خانواده تشکیل وئرماق اقتصادی
وضعیتلرینی چتینلدیرسه و اونلاری دردسره سالیرسا نه یاخشی کی ائولنمه‌سینلر و سوبای قالسینلار.