«داش‌كؤرپي» تبريزين قديمي و تاريخي محله‌لريندندير كي بو شهرين شومال شرقي‌سينده يئرله‌شيب. بو محله شومال طرفيندن سئلاب محله‌سي، جونوبدان خيابان محله‌سي، شرقدن باغمئشه و غربدن شئشگيلان محله‌سي‌نن همسايادير. داش‌كؤرپو ايندي علامه طباطبايي خياباني‌نن شرقدن آبرسان و غربدن شهيد بهشتي خيابانينا وصل اولور و اونون چوخلو تاريخي ائولري يول چكماغينان آرادان گئديبلر. داش كؤرپو محله‌سي مئيدان چايي‌نين جيواريندا اولماسي و اونون محدوده‌سينده اولان همن چايين اوستونه وورولان بؤيوك‌داش كؤرپويه خاطير بو آدينان آدلانيب.