اسلام دینی انسانلارین بیر بیری اینن دانیشماغی‌نین نئجه‌لیغینا چوخ تأکید ائله‌ییب. روایتده گلیب کی حضرت علی (ع) بو باره‌ده بویوروب: «سنه دئییلمه‌سینه سئومه‌دیغین سؤزو سن‌ده دیلینه گتیرمه». نهج‌البلاغه/921.

انسانلار بیر-بیرلرینن دانیشاماقدا بیر سئری مسأله‌لره دقّت یئتیرمه‌لیدیلر و اؤزلری اینن نئجه دانیشیلماغی سئوسه‌لر آیریلاری اینن‌ده اوجور دانیشمالیدیلار.

امام باقر ده (ع) «جماعت اینن یاخشیلیغینان دانیشین» آیه‌سی باره‌ده بویوروب: «جماعت اینن لاپ گؤزل دیلده کی سئویرسیز سیزینن دانیشیلسین، دانیشین». امام باقر (ع) ادامه‌ده بویورور: « چونکی الله تعالی لعنت اوخویوب نفرین ائدنلری، یامان دئیَنلری، مؤمن‌لره قولای نسبت وئرنلری، اوزلو یامان دئیَنلر، سیرتیق تقاضاچیلاری دوشمن سایار. و الله تعالی حیالی انسانلاری، صبرلی و دؤزوملو انسانلاری، عفّتلی و گناهدان و عفّتسیزلیقدان تقوالی اولان انسانلاری دوست توتار».تحف‌العقول/300.