بو سؤالین اولوندوغو زمان، مادّی مشکل‌لر و پولسوزلوق مسأله‌سی دئییلر آما دوزو بودور کی جماعت چاپ اولان کتابلاری
فایدالی بیلمیرلر و اونلارا اولان اعتمادلارینی الدن وئریب کتابلارین تیراژ ساییسی‌نین آزالماسینا
سبب اولوبلار. انسانلارین اعتمادینی آرادان آپاران عامل‌لرین بیری‌ده سانسور و کتاب ممیزلیغی اولا بیلر.
اؤلکه‌میزین
کتاب بازاری اوزون زمان اولار کی بحران ایچینده‌دیر. بو بحرانی، کتاب تیراژی‌نین آزالماسیندا عیانی گؤرمک اولار. کتاب تیراژی اونون نه
قدر اوخونماسینا مستقیم علامتدیر و تیراژ هر نه قدر آشاغی اولورسا او کتابین او
قدر آز اوخوندوغونا دلالت ائلیر.
تازا کتابلارا اینانماماق اوشاقلارا دا سرایت ائله‌ییب. بو ایلکی کتاب نمایشگاهیندا اوشاقلار کتاب ایسته‌ینده اونلارین
قدیم چاپینی ایسته‌یردیلر. علّتینی سوروشاندا دئییردیلر: «آخی اونلار سانسور اولماییبلار».
کتاب تیراژی‌نین
آزلیغی‌نین بیر
عاملی‌ده
ایراندا کتاب داغیتما سیستمی‌نین اولماماسی اولا بیلر. یعنی بیر کتاب چاپ اولاندان سونرا اونو اوخوجونون
الینه نئجه چاتدیرماغا هئچ برنامه و سیستم یوخدور. بیر اکین یئری و مزرعه‌نین مختلف
یئرلرینه سو چاتدیرماق اوچون مختلف کانال‌لارین لازم اولدوغو کیمی کتابین‌دا اوخوجولارین الینه چاتماسینا پخش سیستمی لازمدیر.
کتاب اوخونماماغین اساس عامل‌لریندن بیری‌ده
زندگانلیق مسیرینده کتابین نقشی‌نین اولماماسیدیر. یعنی بیری ایسته‌سه بو گونکی جامعه‌ده موفّق اولا و باشلار ایچینده باشی اولا بو هدفه چاتماق
اوچون اصلاً کتابا احتیاجی یوخدور یعنی جامعه‌ده مختلف زمینه‌لرده مطرح اولماق اوچون کتاب کؤمک ائله‌میر کی هئچ بلکه
مانع اولور.