قانون مدنی بعضی یئرلرین مالکیتی و اونا متعلق اولان حقلر باره‌ده جزئی اشاره ائله‌ییب.
مالک، اؤز ملکونون یوخاریسی (هر نه قدر کی گئده) و اؤز ملکونون آلتینا (هر نه
قدر کی آشاغی گئده) صاحبدیر و هئچ کسین اونا تجاوز ائله‌ماغا حقّی یوخدور. آما قانوندا ملکون کناری باره‌ده هئچ نه
یازیلماییب. البته بو قایدا بن‌بست کوچه‌لر باره‌ده صادق دئییل
چونکی بو کوچه‌لر فقط
اوردا ملکلری اولانلار و اوردا استفاده ائله‌ماغی اولانلارا مخصوصدور و آیریلارین اوردا ماشین ساخلاماغا حقلری یوخدور.
مالک، فقط ائوی‌نین ایچینه مالکیّت حقّی اولسا دا پارکینگی‌نین قاباغی فایدالانماق اذنی وار. یعنی پارکینگین گیریشی
بنایا داخل اولماق اوچون استفاده اولونا بیلن لوازماتداندیر. نتیجه‌ده بیر آیریسی
اوردا ماشین ساخلاییب مالکین گیریشینه مانع اولسا بیر جور مزاحمت ساییلیر. مثلاً
کنار شخص اؤز ماشینینی اوزون مدّت سیزین پارکینگین قاباغیندا ساخلاسا اونون عکسینی
سالیب مربوط اولان ارگانلارا مراجعه ائلیه بیلرسیز. قضایی محکمه‌لرین وظیفه‌سی وار «مزاحمت و
حقدن ممانعت» عنوانلی بو شکایته یئتیشسینلر.
آما دیوار کناریندا ماشین پارک ائله‌ماغین مانعی یوخدور. چونکی فقط دیوار و اونون ایچری طرفی
مالکه مخصوصدور و مالکین اوردا «پارک ائله‌ماق قاداغاندیر» تابلوسونو وورا بیلمز. آما مالک اؤز
دیوارینا تابلو و یا آیری بیر شئی یاپیشدیرا بیلر و هئچ کسین و یا ارگانین اونا
مانع اولماغا حقّی یوخدور.
توکانچیلارین توکان قاباغینا و خیابانا مالکیّتلری یوخدور. خیابان عمومی
یئردیر و هامی‌یا
مخصوصدور. توکانچی‌نین ماشینلارین پارکینا مانع اولماق اوچون توکانین قاباغینا بیر شئی قویماغا
حقّی یوخدور و بئله اولسا شهرداری اونون بو ایشینه مانع اولمالیدیر.
هر بیر ائوین پارکینگی اولمالیدیر. نتیجه‌ده ماشینی کوچه‌ده و جماعتین یولو اوستونده ساخلاماق اصلاً دوز ایش دئییل.
هابئله هر ائوین ماشین گئچه بیلن قدر بیر قاپیسی اولمالیدی و اوندان آرتیغی غیر
قانونی ساییلیر.