1298 هجری
شمسی ایلی‌نین اسفند آیی‌نین ایکیسینده اؤلکه‌میزین
بیرینجی هجری شمسی تاریخی تنظیم اولوندو و اوندان سونرا گونش تاریخی قمری تاریخی‌نین
یئرینی توتدو. اونونلا بئله بو دَییشمه‌نین اجرا اولونماسی بئش ایل
زمان آپاردی.
تقویمین قمری
ایلیندن گونش ایلینه دَییشماغی اینن عینی زماندا آیلارین آدلاری‌دا
دَییشدی. قدیم دؤرلردن او گونه‌جن اؤلکه‌میزین
تقویمینده ایلین اون ایکی آیی؛ «حمل، ثور، جوزا، سرطان، اسد، سنبله، میزان، عقرب،
جدی» آدلانسا دا او گوندن سونرا بو آدلار؛ فروردین، اردیبهشت، خرداد، تیر، مرداد،
شهریور، مهر، آبان، آذر، دی، بهمن، اسفند آألاری اینن عوض اولوندو.
بو طرحی او
گونون ملی مجلیسینه ارائه ائدن طهران وکیلی میرزا عبدالحسین
خان وحیدالملک ایدی.
وحید الملک
اؤز طرحینده یازیب:
دولت اداره‌لری محاسبه‌لری
بورجلار اساسیندا (اویغور تاریخی اساسیندا) اولدوغو و دولتین بوتون رسمی ایشله‌ینلری‌ده معامله‌لرینی و حقوقلارینی‌دا
همان نسق اینن جاری ائله‌دیقلاری و غیر رسمی اداره‌لر و عموم جماعتین قمری آیلاردان استفاده ائله‌ماقلارینا گؤره، چوخلو اختلافلار یارانیر و دولت ایشله‌ینلری‌نین ضررینه قورتولور. بو
اختلافین آرادان گئتمه‌سینه گؤره آشاغیداکی طرحی
قانونی طرح یولو اینن مقدس مجلسه پیشنهاد ائلیرم:
1. ایللیق
معامله‌لرده هر ایلین باشلانیشی
حمل بورجوندان حسابلاناجاق.
2. بوتون آیلیق معامله‌لر
بورجلار اساسیندا حسابلاناجاق.
توضیح:
معامله‌لردن منظور اجاره، استجاره،
اجرت، فحله‌لرین مزدی، ایشله‌ینلر، تجاری خدمتلر، صرافیلر و سایر کیمی اونلاردا مبلغ
قید اولان قراردادلاردیر.
3. بیرینجی و ایکینجی مادّه‌لر
1328-جی ایلین حمل آیی‌نین اوّلیندن بوتون «ایران
محروسه مملکتلری»نده اجرا اولوناجاق».
مجلس بو
طرحه بئله جواب وئردی:
ملی شورا
مجلسی/1328-جی ایلین صفر آیی‌نین 12-سی. مبتکرات اداره‌سیندن مجلس ریاستی اداره‌سینه،مبتکرات
کمسیونونون آقای وحیدالملکون طرحینه گؤره راپورتو، مبتکرات کمیته‌سی‌نین 1328-جی ایلی‌نین بئشینده‌کی
صورت جلسه‌سینه موافق اولاراق.
جناب وحیدالملکون،
بوتون عمومی مشترک مبادله‌لر و معامله‌لرین تاریخ ثبتی و قمری تاریخیندن شمسی و بورجی تاریخینه
دَییشمه‌سینه گؤره طرحی مذاکره
اولوندو. او طرح اساساً دقّته لایق طرح اولسا دا عموم جماعتین آراسیندا جریان
تاپماسی اوچون، عجالتاً بیر سئری اشکال‌لارینان
اوزلشه‌جاق. بونا گؤره کمسیون درین
ملاحظه‌لره اساساً بو طرحین اجراسی
اوچون اظهار عقیده‌سینی مسکوت قویور و اونون
عمومی اجراسینی آیری بیر زمانا موکول ائلیر. آما بوتون دولتی دایره‌لرده اجرا اولونماسینی لازم بیلیر. –لسان الحکما».