اؤلکه‌نین لاپ بؤیوک و لاپ قدیمی علمی مجموعه‌سی‌نین قالیقلاری بو گونلر مسئول‌لارین دقّتسیزلیغی تأثیرینده خرابلیغا اوز قویوب و تورپاقدا قویلانیر.
هر دؤرد بوجاغیندا بیر دانشکده اولان بو وسعتلی دانشگاهین بناسینی، رشیدالدین فضل الله همدانی قویدو. ربع رشیدی دانشگاهی‌نین وسعتی او قدر آرتدی کی کتابخانا، مدرسه، حمام ، مسجد، مریض خانا ، قوناق ائولری و دانشگاهی اولان کیچیک بیر شهره پئوریلدی.
او عظمتلی دانشگاهدان، بو گونه فقط دؤرد عمارت پایاسی و داش و تورپاق قالیر و مسئول‌لارین دقّتسیزلیغی تأثیرینده گوندن گونه داها خراب وضعیّته قالیر.
ربع رشیدی‌نین احیاسی و تازادان قورولماسیاسلامی تمدّنون مظهری کیمی، اؤلکه‌نینفنّی و علمی زمینه‌لرده قاباغا گئتمه‌سینه سبب اولا بیلر.
1381-جی ایلینده اؤلکه‌میزین بیر تعداد فرهنگی و دانشگاهی فعّال‌لارین چالیشماسی سایه‌سینده ربع رشیدی فرهنگی-تاریخی-علمی مجتمعین اساسنامه‌سی انقلاب فرهنگی‌نین عالی شوراسیندا تصویب اولدو آما بو گونه قدر بو زمینه‌ده هئچ مثبت آددیم گؤتورولمه‌ییب.