ولی فقیهین شرقی آذربایجانداکی نماینده‌سی موقوفاتین مصرفی باره‌ده‌کی شبهه‌لرین
رفع اولماسینی ایسته‌دی.
ایسنانین وئردیغی خبره گؤره، آیت الله محسن مجتهد شبستری وقف و رسانه
ییغینجاغیندا دئدی: وقف آدلانان جاری صدقه انسانین اؤلوموندن سونرا دا باقیات
صالحات کیمی قالار.
او آرتیردی: وقفین مصرفی واقفلرین نیّتینه گؤره اولمالدیر و واقف‌ده قربت
قصدینن وقف ائله‌مه‌لیدیر.
آیت الله شبستری وقف فرهنگینی نسبتاً یاددان چیخمیش بیلیب دئدی: بو فرهنگی
دیریتمک رسانه‌لرین کؤمگینه احتیاجی وار.
او، اوقافدان هزینه‌لرین شفاف ارائه اولونماسینی ایسته‌ییب دئدی: پیشنهاد
ائلیرم اوقاف هر ایل اؤز گؤردوقلاری ایشی شفاف صورتده گزارش وئرسین.
ولی فقیهین استانداکی نماینده‌سی بللی موقواتا اشاره ائله‌ماغینان دئدی: کئچن
ایللرده ربع رشیدی اوچون مختلف کمیته‌لر تشکیل تاپدی آما بو ایش سؤز حدّینده
قالدی.