انتظامی
نیروسونون فرماندهی دئدی: سربازلیقدا ترقّی امکانی اولمالیدیر و شخص بو مدّتده
زندگانلیق مسیریندن اوزاقلاشما حسّی ائله‌مه‌مه‌لیدیر. او، نظام وظیفه‌ده اولان
تحوّلین سرعتینی یوخاری بیلیب دئدی: «تازالاما یولوندا چوخلو ایشلر گؤرولوب آما
دقّت یئتیرماق لازمدیر کی تازالاماغین اوّل و اساسلی آددیمی انسانی نیرونون فکرینی
و فرهنگینی اصلاح ائله‌ماقدیر».
ناجا فرماندهی
بونو دئماغینان کی اجازه وئرمه‌مه‌لی‌یوق کی بیر عدّه قانونی و غیر قانونی یول‌لارینان
سربازلیقدان قاچسینلار و یا اؤز خدمت یئرلرینی معیّن ائله‌سینلر، تأکید ائله‌دی: «عدالت
فقط بو دئییل کی بیزیم فیکیمیز تبعیضدن اوزاق اولسون. بو مسأله عملده ده بئله
اولمالیدیر. مسأله‌یه دقّت اینن باخاندا گؤروروق کی مرکزدن سرحد منطقه‌لرینه
اوزاقلاشدیقجا، سربازلار یوخسول خانواده‌لردن اولورلار. البته بیز بو باره‌ده هئچ
امر وئرمه‌میشوق آما حتماً قایدالاریمیزدا مشکل‌لر وار کی بئله اولور. باخیب گؤرمه‌لی‌یوق
کی نه اولوب کندلی و یوخسول خانواده‌لرین جوانلاری مرزلرده خدمت ائلیر و تهران اوشاقلاری
یا معاف اولورلارو و یا راحت یئرده خدمت ائلیرلر.
اؤلکه رئیس پلیسی
سراوانداکی شهید مرزبانلارا اشاره ائله‌ماغینان دئدی: بو عزیز شهیدلرین چوخو
دیندار و یوخسول خانواده‌لردن ایدی کی البته خدمت داوطلبانه اولسایدی دا ائله بو
منطقه‌لره گئدردیلر.