سس‌سیزلیق، نیویورکدا بیر رستورانی معروف ائله‌ییب. بو رستورانین مشتری‌لری بیلرلر کی اورانین خصوصیّتی سس‌سیزلیقدیر. بونا گؤره سس‌سیز و های-کویدن اوزاق بیر یئرده یئمک یئماق ایسته‌ینلر بو رستورانا گئدیرلر. بو رستورانین صاحبی دئییر: دینجلیغین و استراحتین بیر یولو دا سس‌سیزلیقدا یئمک یئماقدیر. ائله بونا گؤره‌ ده مشتری‌لریمین استراحتی اوچون بو یولدان استفاده ائله‌ماق قرارینا گلدیم و خوشبختلیغینان انسانلار بو یولدان استقبال ائله‌دیلر. استقبال او قدر چوخ اولور کی گئجه‌لر رستوراندا بوش میز قالمیر.