امر به معروف و نهی از منکر اسلاما چاغیرماق، تجاوز و ظلمدن ساخلاماق، عمومی ثروتلرین دوزگون بؤلونمه‌سی معناسیندادیر.
جماعتین دقّت و فکری‌نین رشد تاپماسی باعث اولار قانونون دوزگون اجرا اولماسی‌نین هامی اوچون فایدالی اولماسی بیلینسین. نتیجه‌ده انسانی و دینی عاطفه‌لر اونلاری حقسیز و قانونسوزلوق قاباغیندا دایانماغا وادار ائلر و جامعه انسانلارینی امر به معروف و نهی از منکر ائله‌ماغا و حقدن دفاع ائدیب قانونو قوروماغا وادار ائلر.
اسلامین اجتماعی نظامیندا بو مسأله‌یه چوخ تأکید اولوب و هامی اهمیّتینی بیلماغا چاغریلیب. اسلامین بو مسأله‌یه وئردیغی اهمیّتی بیلماق اوچون نئچه آیه و روایته اشاره ائلیروق.
- سیزدن یاخجیلیقلارا چاغیران و پیسلیقلاردان اوزاقلادان بیر امّت یارانمالیدیر و فقط بئله انسانلار سعادت و خوشبخلیغا چاتاجاقلار.
- سیز بشریّتین لاپ یاخجی امّتی‌سیز. یاخجی ایشلری ترویج ائلیرسیز، قولای و پیس ایشلرین قاباغین آلیرسیز و الله-ـا اینانیرسیز. کتاب اهلی‌ده ایمان گتیرسه ایدی، اونلار اوچون داها یاخجی اولاردی. البته اونلارین بعضیسی‌نین ایمانی وار آما چوخو تبهکاردیلار.
- اونلارین هامیسی بیر دئییل، کتاب اهلی ایچینده حقّه باغلی اولانلار واردی و گئجه یاریسیندا سجده ائدیب الله آیه‌لرینی اوخویورلار و الله-ـا و قیامته اینانیرلار، دوزگون ایشلر گؤرورلر و پیس ایشلرین قاباغین آلیرلار و خیر ایشلرده پیشقدم اولورلار. البته بونلار یاخجی آداملار سیراسیندادیلار و هئچ خیر ایش اجرسیز قالمایاجاق. الله، تقوالی انسانلاری تانی‌ییر.
- ایکی اوزلو آروادلار و کیشیلر بیری بیرلری‌نین بئزلری‌نین ایکی رنگی و اوزودولر. بونلار پیس ایشلری ترویج ائدیب یاخجی ایشلرین قاباغین آلیرلار.
- ایمانلی و دینلی آرواد و کیشیلر ده بیری بیریلرینه کؤمکدیلر. بونلار خیر ایشلری ترویج ائلیرلر، نماز قیلیرلار، زکات وئریرلر و الله و رسولونونون سؤزونه باخیرلار. الله‌ین رحمتی بونلارا شامل اولاجاق. الله یوخاری مرتبه‌لی و ایش بیلندیر.
اسلامی روایتلرده ده بونون اهمیّتینی بیلدیرن بو باره‌ده چوخلو حال‌لارا راست گلیروق.
پیغمبر (ص) بویورور: منیم امّتیم امر به معروف و نهی از منکر ائتدیگی گونه‌جن همیشه یاخجی وضعیّتده اولاجاق آما بو ایکی عملدن ال چکن آندان اعتباراً بوتون برکتلردن محروم اولاجاق. بیر دسته‌سی آیری دسته‌نی استثمار ائلیه‌جاق، نه یئرده بیری اونلارین هارایینا چاتاجاق نه گؤیده.
امير المؤمنين علي(ع) بویوروب: الله اسلام عالملرین او اوزدن دانلادی کی متجاوزلرین فساد و تبهکارلیقلارین عیاناً گؤروردولر آما اونلارین قاباغین آلماغا بیر ایش گؤرموردولر چونکی اونلارین باغیشلادیقلارینا طمع سالمیشدیلار غلبه‌سیندن قورخوردولار بونونلا بئله کی الله دئییب مندن سووای هئچ کسدن قورخمایین. الله دئییر: ایمانلی کیشیلر و آروادلار بیری بیرلرینه کؤمکدیلر، یاخجی ایشلری ترویج ائدیب پیس ایشلرین قاباغین آلیرلار.
الله، اونون طرفیندن مقرّر اولان مهم وظیفه کیمی، اوّلده امر به معروف و نهی از منکره چاغیردی. چونکی بیلیردی بو وظیفه‌یه عمل اولونسا بوتون آیری وظیفه‌لره ده عمل اولوناجاق. ایستر راحت ایستر چتین، امر به معروف و نهي از منكر اسلاما چاغیرماق، ظلم و تجاوزین قاباغین آلماق، ظالم اینن چالماق، عمومی ثروتلرین دوزگون بؤلونمه‌سی، وئرمه‌لی اولدوقلاری مالی اونلاردان آلماق و مصرف اولمالی یئرده مصرف ائتدیریلمه‌سی معناسیندادیر.