اوشاق تک اوینایاندا دَیَرلی تعلیملر اله گتیریر. او زندگانلیق مسأله‌لرینن کئچینماغی اؤرگشیر.
تک اویناماق اوشاغین فردی شخصیّتی‌نین شکل تاپماسینا کؤمک ائدیب کیچیک گروهلاردا عضو اولان زمان، انسانلار ایچینده تک قالدیغیندا شادلیغی اؤرگدر.
اوشاقلارا فردی باش قاتمالارین اولماسینی اؤرگدین
تکلیقدا اویناماغی باشاران اوشاقلار بو آنلار خلاقیّتلی اولارلار. اونلار قورخمادان تکلیقدا اؤز سئودیقلاری ایشلری گؤررلر. اوشاق بؤیوینده، بعضی آنلار تک قالماق احتیاجی حسّ ائلیه‌جاق. اونون اؤزونه اینامی یوخاری اولاجاق و فردی احتیاجلارینی برطرف ائلیه بیله‌جاق.
تک اوینایان اوشاقلارین خلاقیّتی و خیال پرستلیگی داها چوخ اولار. خیالی قهرمانلارینان و حیوانلارینان اویناماق، اوشاغین هوش و خلاقیّتی‌نین علامتیدیر. هئچ وقت اوشاقلارین بو آنلاریندا دخالت ائتمه‌یین.
تک اویناماغی باشاران اوشاقلار، آیری اوشاقلارا نسبتاً داها چوخ استقلال حسّلری اولار. اونلار احتیاجلارینی برطرف ائتمک اوچون اطرافداکیلارا احتیاجلاری یوخدور. بو اجتماعی استقلال، اونلارا فرقلی وضعیّتلرده چتین توتماماغا و شرایطله کئچینماغا امکان وئرر. تک اویناماق اوشاغی اوتانقاج ائله‌مز، فقط اونا بونو اؤرگدر کی، اونونلا اویناماغا آیریسینی گؤزله‌مه‌دن اؤزو، اؤز تکلیغینی دولدورسون.
آراملیق حسّی
های-کویلو محیطلرده اویناماق بعضاً اوشاقلاری یورار و اونون تکلیقدا و آراملیقدا اویناماغا احتیاجی اولار. اوشاغین آراملیغا احتیاجی وار. او سحر اوّل وقتدن ناهاراجن اوشاق ائوینده قالیبسا بیر آز دا ائوده تک اوینامالیدیر کی آراملیغی اولسون.