تبریزین انقلاب و عمومی دادستانی دئدی: تبریز اؤلکه‌نین لاپ امنیّتلی کلانشهری تانیندی.
فارسین تبریزدن وئردیگی خبره گؤره، موسی خلیل‌الهی خبرنگارلارینان دانیشیقدا دئدی: آمارا گؤره تبریز شهری اؤلکه‌نین امنیّتلی یئرلریندن ساییلیر و امنیّت حسّی‌نین یارانماسی جهتدن اؤلکه کلانشهرلر ایچینده بیرینجی یئری توتوب.
او آرتیردی: بو مسأله‌نین تحقّقی بیرینجی درجه‌ده الهی الطافین و ایکینجی درجه‌ده تبریز جماعتی‌نین یوخاری همّتینه باغلی ایدی.
او دئدی: جرمین آزالماسی اوچون قضایی دستگاه و انتظامی نیرولار طرفیندن قاباق آلما ایشلر گؤرولوب کی اشاره اولان آماری نتیجه وئریب. قاباق آلما ایشلر کیفری، وضعی و انتظامی قاباق آلمالارا شامل اولور.
تبریزین انقلاب و عمومی دادستانی آرتیردی: انتظامی نیرونون شرقی آذربایجانداکی آماری خشن و سازمانلی جرملر تبریزده آیری شهرلره گؤره، گؤزه گلیم مقداردا آزالیب.
او تبریزین قتل آماری باره‌ده دئدی: تبریزده عمدی قتللرین ساییسی کئچن ایلین اوخشار مدّتینه گؤره آزالیب.