زیگموند فرویدون نظریه‌سی: فروید بئله فرضیه وئریر کی یوخو گؤرمک اینسانین آلت شعورونون آرزولار و ایستکلرینی اینعیکاس ائلیر.
فرویدون نظرینده، یوخو گؤرمک بیزه گون بویو سانسور اولموش طلبلریمیزی گؤرستمگه ایجازه وئریر. اوندان علاوه او یوخودا گؤرولنلرین خیالی آلت شعور شئیلرین سمبولو اولماسینا اینانیر بونا گؤره احتیمالی وار یوخولاریمیزین چوخو، تاپدالانمیش طلبلریمیزی حتّا دگیشمیش شکیلده بیان ائلیه.
هوسبون و مک کارلی‌نین فرضیه‌سی: اونلاری بئله فرضیه وئریرلر کی یوخو بئینین روحی فعالیّتینی یوخ بلکه فیزیکی فعالیّتینی اینعیکاس ائلیر. بو نظریه‌یه اساساً بیز گونده‌لیق ایشلریمیزی‌ده یوخودا گؤرمگه تمایولوموز وار. کورتئکسین لاپ راییج فعالیّتی، گونده‌لیق ایشلر و نیگرانچی‌لیقلاری اینعیکاس ائله‌ماقدیر.
بونونلا بئله هوسبون بعضی یوخولارین، شخصین روحی دغدغه‌لرینی‌ده شامیل اولماسینی گؤرسدیر. شخصین یاشاییش ایستراتژیلری باره‌ده اولان باخیشی و برنامه‌سی.
کریک و میچستون نظریه‌سی: اونلارین نظرینه درین یوخو بئینین ایطّیلاعاتینی سئیرکلندیریر. آیری سؤزله یوخو حافیظه مئیدانین بوشالدیر کی سونراکی یوخولارا موتمرکیز اولا بیلسین.
کابوس ایختیلالی: یوخونون اساس دؤره‌سینده تئز تئز آییلماق و یا مورگوله‌ماق همیشه قورخمالی و گئنیش یوخولارینان عئینی زماندا اولور. معمولاً یوخولار یاشاییش تهدیدی، امنیّت و عیزّت نفس باره‌ده اولور. آییلماق عموماً یوخونون ایکینجی یاریسیندا باش وئرر. قورخولو یوخولاردان سونرا شخص درحال آییق اولار و مکان و زمانی درک ائلر. (یوخو وحشتی ایختیلال و صرعین ترسینه. او حالدا شخص زمان و مکاندان درکی اولماز.) یوخو ایختیلالی شخصین گونلوق یاشاییشی و ایشینده منفی تأثیر قویا بیلر. بئله ایختیلاللار لزوماً حادیثه‌لر نتیجه‌سینده یارانمازلار بلکه مادّه‌لرین فیزیولوژیک تأثیری و بعضی ناخوشلوقلار تأثیری آلتیندا یارانا بیلرلر.
بیولوژیک و روح تانیما نظریندن یوخونون تعبیری: DNA کاشیفلرین بیری، فرانسیس کرکین نظرینه یوخو گؤرمک گون بویو آلینمیش حیسّی ایطیلاعاتین ائشیگه آتیلماسینا کؤمک ائلیر. عصب سیستمی فعالیّته باشلیر و یوخو گؤرماغا سبب اولور. رابین رویستون، ظاهیراً سلامتلیق موشکوللرینی نیشان وئرن ایکی یوزدن چوخ یوخو شرحی و تعبیری ییغیب. مثلاً:بیر کیشی یوخودا اونو تعقیب ائلیه‌ن ایکی قارا پلنگی گؤرور. پلنگلرین بیر جایناغینی اونون بئلینه باتیریر. همن آدام نئچه آیدان سونرا قورخولو بیر ناخوشلوق توتور. بو ناخوشلوغون علامتی بئلی‌نین همن نوقطه‌سینده قارا خالین اولماسیدیر.
نظره گلیر یوخولار بعضاً مسأله‌لری تازا یولونان حلّ ائله‌ماغا ایلهام اولورلار. مثلاً بنزین کاشیفی اولان «ککوله» یوخودا بیر-بیرلری‌نین قویروقلارینی آغزینا آلمیش ایلانلاری گؤرندن سونرا بنزینی کشف ائده بیلدی. بنزینین شیمیایی بیناسی خطی یوخ بلکه داییره‌ویدیر. روح عالیملری دئییر بوتون گؤردویوز یوخولارین گیزلی معناسی وار.
آشاغیدا روح علمی نظریندن نئچه یوخو تعبیری گلیر کی البته عمومی حؤکم ساییلا بیلمزلر و داها چوخ اینسانین عمللری و ذهنی آراسینداکی رابیطه‌نی نظرده آلیب.
پیلّه: یوخودا پیلّه‌لردن یوخاری گئمگیزی گؤرسز معمولاً گله‌جاقدا موفقیّته چاتماغیزین علامتی ساییلیر.پیلّه‌دن آشاغی یئنماق‌دا مغلوبیّتدن قورخماغیزی نیشان وئریر چونکی سون زمانلار ریسکلی ایش گؤرموسوز.
اوتوموبیل وساییلی:چوخ زمانلار بدن و مخصوصاً بئیین سمبولودور. یوخودا بیر ماشینین موختلیف قطعه‌لرین آچدیغیزی گؤرسز، سیزین روحی بیر موشکولـله موباریزه ائله‌دیگیزی گؤرسدیر.یاغلانمیش و آخار ماشینی یوخودا گؤرمک، یاشاییشدا داها سهمانلی اولماغا رغبتیزی گؤرسدیر. پاسلانمیش و ایشدن دوشموش ماشین، روحی و جیسمی ناخوشلوق علامتی ساییلیر.
توک: آچیق و اوزون توک داها چوخ آزادلیغا مئییللی اولماق معناسیندادیر آما یوخودا اؤز توکوزو قیسالتماغی گؤرسز، یاشاییشیزین بیر بؤلومونده محدود اولدوغوزو دوشوندویوزو حیسّ ائیلیرسیز. توکلریزی داراماق، غلیظ موشکوللریزه حل یولونون تاپیلماسی علامتیدیر.
دلیک: بیر دلیکده گیره کئچدیگیزی یوخودا گؤرسز، یاشاییشیزین تکرارلی اولدوغونو دوشوندویوز معناسیندادیر. پالتارداکی دلیک یاخیندا مادّی موفّقیّته ال تاپماغیز معناسیندادیر.
اؤلوم: یوخودا اؤز اؤلوموزو گؤرسز، دونیانین بوتون موشکوللریندن قورتولماق ایستدیگیزین علامتی ساییلیر. یوخسا جدّیزین آد-سانسیز بیر قبیرده اولماسینی یوخودا گؤرسز بو حالدا ایش و یا بیر حادیثه‌دن ناراحاتلیغیزین علامتی ساییلیر. آیریسی‌نین اؤلومونو یوخودا گؤرمک تعجوب یارادان خبرلرین ائشیتمه‌سی علامتیدیر. عزادارلیق و یا دفن مراسیمینی یوخودا گؤرسز آلت شعوروز سیزدن ایستیر افسوس یئدیگیز شئیی یاددان چیخارداسیز.
اوت علف:یاشاییش شرطلریزین اینعیکاسیدیر. یاشیل اوت هر شئیین یولوندا اولماسی معناسیندادیر. آما سارالمیش و قوروموش اوت سیزین خوشبخت اولمادیغیزین علامتیدیر.هابئله ناخوشلوق علامتی‌ده اولا بیلر.
اود: ائویزین اود توتماسینی یوخودا گؤرسز، بیری‌نین الیندن چوخ حیرصلی اولدوغوزون علامتیدیر.فقط اؤزوزو یانماقدا گؤسز، بیری باره‌ده کونترول اولنمایان حیسّلریز وار. اولا بیلر اونون الیندن حیرصلنمیسیز و اولا بیلر اونون فراقیندان فیشارداسیز.
دریا: بوش دریانین یوخودا گؤرولمه‌سی رابطه‌سیز یاشاییشیزین اولماسینی حیسّ ائدیرسیز. ساحیلی یوخودا گؤرمک سعادتیزین الدن گتئماقدا اولدوغونو حیسّ ائلیرسیز.
ایسلامی دوشونجه‌ده صادیقه رؤیا: دینی دوشونجه‌لرده یوخو ایلاهی علامتلردن ساییلان، اؤزونده چوخلو دئییلمه‌میش حکایتلر گیزلدن وارلیقدیر. بیری نفسی‌نین اینحیصاریندان چیخیب یوخویا بیزی او بیری طرفه هیدایت ائله‌ین بیر شئی کیمی باخسا، چوخلو ایشاره‌لر، حکایتلر و هیدایتلر اونا آشکار اولاجاق. ائله بونا گؤره آللاه تعالا یوخونو اؤز آیه‌لریندن بیر کیمی ساییب. اوندا بیر سئری علامتلر و آیه‌لر ده قویوب کی بیزی اونلارا دیقّت یئتیرماغا چاغیریر. محی الدین عربی بن عربی، یوخونو حیکمت ایشیغی ساییب و اونو عینایت اهلی اوجون بیرینجی ایلاهی وحی تلقّیسی بیلیب.
صادیقه رؤیا گله‌جاقدا عئیناً ایتیفاق دوشه‌جاق یوخودور. بو جور یوخولارین ساکیت و شفاف روحی زمینه‌یه احیتاجی وار. مخصوصاً دال به دال گؤرولدوکلری شراییطده. آما هر حالدا بو جور یوخونون گؤرنی‌نین حتماً پاک و دیندار اینسان اولدوغونو دئمک اولماز. چونکی اولا بیلر رذاییل و پیسلیقلارا موبتلا اولماسینا رغماً، خاص دلیللره گؤره گله‌جاغین خبرلرینن روحی رابیطه‌سی اولا.