حجت الاسلام حميد عظيمي، هشترود ایسلامی تبلیغاتی‌نین تازا رئیسی‌نین موعاریفه مراسیمینده دئدی: مونتخب رئیس‌جومهور گرک گوجلو و امین بیر شخص اولا و بین‌المیللی جامیعه‌لرده جماعتین حقّیندن دیفاع ائلیه.
شرقی آذربایجانین ایسلامی تبلیغات ایداره‌سی‌نین عمومی رابیطه‌لری‌نین وئردیغی خبره گؤره، حجت الاسلام حميد عظيمي هشترود ایسلامی تبلیغاتی‌نین تازا رئیسی‌نین موعاریفه مراسیمینده آرتیردی: رئیس جومهورلوق موروثی دئییل کی سککیز ایلدن سونرا آیریسینا تاپیشیریلا بلکه جماعتین حدّ اکثری اینتیخابی اینن سئچیلر و سئچیلن شخص امین و تقوالی و شرعی موازینه پایبند اولمالیدیر.
عظیمی دئدی: بیز شهیدلرین قانین حیفظ ائله‌مه‌لیوق و جماعیتن حد اکثری حضوری شرعی تکلیفدیر و رأی وئرماقدان کنارا چکیلماق شرع خیلافی و گوناهدیر.
عظمی دئدی: ایران جماعتی ویلایت فقیهه تابع اولان شخصدن حیمایت ائلیه‌جاق.
او آرتیردی: اینقیلاب رهبرین یول گؤرستماقلارینن جماعت عیزّت صاحیبی اولوب قاباغا گئدیب موستضعف اینسانلارا اولگو اولاجاق و خاریجی دوشمن‌ده بوندان قورخور.
ایدامه‌ده بیر حؤکمونن حجت الاسلام يعقوب اباذري اوستانین ایسلامی تبلیغات مودیر کول طرفیندن هشترودون ایسلامی تبیلغات ایداره‌سی‌نین مسئولو تانیندی و حجت الاسلام مظفر رجب زاده‌نین اوچ ایللیق زحمتلریندن تجلیل اولدو.