ایسلام، اوشاقلارین هر یاشینا موناسیب دقیق تربیت برنامه‌سی وئریر. اوشاغین شخصیّتینده اثر قویان عامیللرین بیری اونون والدینی‌نین حیاتا اولان باخیشلاریدیر. آتا آنا صاحیب اولدوقلاری دونیا گؤروشو اساسیندا اوشاقلارینان رفتار ائدیرلر. ایسلام چالیشیب آتا آنانین دونیا گؤروشونو هیدایت ائدیب اونلاری دوزگون مسیرده یئرلشدیرسین. ایسلامین آتا آنایا واجیب بیلدیغی بیر مقام اونلارین اوشاقلارین بیر پارا حقلره صاحیب اولماقلارینی بیلماقلاریدیر. بعضی ریوایتلره اساساً آتا آنا اوشاقلارین حقلری قاباغیندا تسلیم اولمالیدیرلار. پیغمبر اکرم (ص) بیر فرماییشده بویورور: « آتانین حقلرینی رعایت ائله‌ماق اوشاغا واجیب اولدوغو کیمی، آتایا اوشاغی‌نین حقلرینی رعایت ائله‌ماق واجیبدیر». بونا گؤره آتا آنا اوشاقلارینان سئودیکلری هر رفتاری ائده بیلمزلر.
آیری طرفدن ایسلام اوشاغین موختلیف یاشلاردا تربیتی اوچون دقیق برنامه‌سی وار. ایسلاما گؤره اوشاغین تربیتی عیبادت ساییلیر. هر کیم اوشاغین وضعیّتینی یاخجیلاشدیرماق اوچون کیچیک بیر ایش گؤرسه‌ده لاپ بؤیوک معنوی اجرلر اونو گؤزلور.
والدینین تربیتی باخیشلاری ائله اولمالیدیر کی اوشاغا ایمانی تربیت وئره. اوشاقلارین یاشلارینا موناسیب ایسلامی رفتارلاری اونلارا اؤرگتمه‌لیدیر. اوندا اینسان سئورلیگی، ایمان، صداقت، اؤزونه اینانماق، عیبادته علاقه، اوروج نامازا علاقه و آللاها سئوگینی آرتیرمالیدیلار. بو ایشلر اوشاغی بوتون اینحیرافلار موقابیلینده بیمه ائلر.