دوننه‌جن اؤلکه قانونلاریندا یئری اولمایا قانون سرپرستسیز و سرپرستلری پیس اولان اوشاقلاردان حیمایت ائتمه لاییحه‌سی‌نین تصویبی ایله بو گوندن ایجرا اولور.
مهرین وئردیغی خبره گؤره، مجلیس نوماینده‌لری یکشنبه گونو بو لاییحه‌دن بیر تبصیره تصویب ائله‌دیلر کی اونون اساسیندا سرپرست و اؤگئی اوشاق آراسیندا حضانت زمانی و اوندان سونرا دا ازدواج قدغان اولدو. مگر خاص شراییطده کی اونو دادگاه موعیّن ائلر.
آما بو قانونون تصویبیندن قاباق نئجه‌ایدی؟
اؤگئی اوشاغین محرملیق شراییطینده ایسلامین قایدالارینا گؤره، دده‌لیغینان قیزلیق آراسیندا ائولنمگه منع یوخدور.
بوتون تقلید مرجعلری‌نین نظرینه گؤره بئلنچی شراییطده محرمیّتین یارانمالیدیر و بو محرملیق معمولاً ازدواج و نسبی رابیطه‌لرینن باش وئرر.
آیت الله‌العظمی خامنه ای، اؤگئی اوشاغین محرمیّت حؤکمونه گؤره بویورور:«اؤگئی اوشاغین حؤکمو اوشاق حؤکمو دئییل و اونو بؤیودن کیشی و آرواد اونا محرم اولمازلار مگر رضاع وسیله‌سی و یا بلوغدان سونرا و اوشاغین مصلحتین رعایت ائله‌ماغینان بلوغدان قاباق شرع حاکیمی‌نین ایجازه‌سینن موقّت ازدواجینان کی ایشکالی یوخدور.»
آیت‌الله محمد سعید حکیم بیر قیزی اوشاقلیغا گؤتورموش کیشی‌نین -کی بو قیز اونون عیالیندان سوت یئمه‌ییب -ایستیفتاسی جوابیندا دئییر:
سنه محرم اولماز و سنین فامیلین اولماز و او سندن ایرث آپارماز و سن اوندان ایرث آپارمازسان و بؤیوسه اونا باخا بیلمزسن.»
آیت الله فاضل لنکرانی نظرینه، محرم اولماق یوللاری:
آیت الله فاضل لنکرانی بیر ایستیفتا جوابیندا دئییبلر: «قیز سوت امر اولسا بو یوللارینان اؤگئی دده‌یه محرم اولار:
- کیشی‌نین عیالیندان سوت یئیه و بئله‌لیکله کیشی‌نین رضاعی قیزی اولار.
- کیشی‌نین آناسیندان سوت یئیه و بئله‌لیکله کیشی‌نین رضاعی باجیسی اولار.
- کیشی‌نین باجیسیندان سوت یئیه و بئله‌لیکله کیشی‌نین رضاعی باجی‌قیزی اولار.
- کیشی‌نین قارداش آروادی‌نین سوتون یئیه و بئله‌لیکله کیشی‌نین رضاعی قارداشی قیزی اولار. و یا قارداشی قیزی‌نین سوتونو یئیه.
- اوشاق سوت امر اولمازسا و یا سوت امر اولا آما سوت وئرمگه دئییلن شخصلر اولمایا، آتا و قیز و یا بؤیوک آتا ایله قیز آراسیندا موقّت صیغه‌اینن محرمیّت یاراتماق اولار. بئله‌لیکله قیز کیشی‌نین آنالیغی اولار. آما دیقّت یئتیرماق لازیمدیر کی قیز بالیغ اولمایان دورومدا ذیکر اولان صیغه، قیزین شرعی ولیسی و اونون یوخلوغو دورومدا جامع الشرایط موجتهیدین ایجازه‌سینن اولمالیدیر.
هر حالدا محرملیق صیغه‌سی قیز اوشاغینا مفسده‌سی اولمامالیدیر. بلکه اونون مصلحتینی رعایت ائله‌ماق لازیمدیر. نئجه کی قیز بالیغ اولورسا آتانین و یا آتا جدی‌نین ایجازه‌سی واجیب احتیاطا گؤره اعتیبارلیدیر.
اوشاق اوغلان و سوت امر اولورسا آشاغیداکی یوللارینان اونونلا آنالیق آراسیندا محرملیق یاراتماق اولار.
- همن آروادین سوتونو یئیه کی اونون رضاعی اوشاغی اولار.
- آروادین آناسی‌نین سوتونو یئیه کی آروادین رضاعی قارداشی اولار.
- آروادین باجیسی‌نین سوتونو یئیه کی آروادین رضاعی باجی اوغلوسو اولار و یا آروادین باجیسی قیزی‌نین سوتونو یئیه.
- آروادین قارداش آروادی‌نین سوتونو یئیه کی آروادین رضاعی قارداش اوغلو اولار و یا آروادین قارداشی قیزی‌نین سوتونو یئیه.
البته آیری یوللار دا وار کی فعلاً اونلارین ذیکری‌نین یئری دئییل