فقط جومعه گونلری؛
سوئد دؤلتی استکهلمین"بوت شیرکا" مسجیدی‌نین میناره‌سیندن فقط جومعه‌لر اذانین پخش اولما ایجازه‌سینی وئردی.
مهرین وئردیغی خبره گؤره، استکهلمون جنوبوندا یئرلشن بوت شیرکا کومونونون مقاملاری تازالیقدا، بو کومونون «فیتیا» منطقه‌سینده یئرلشن مسجیدینه میناره‌لردن اذان پخش ائله‌ماغا اوّلیّه ایجازه‌نین وئریلمه‌سیندن خبر وئردیلر.
اذانین مسجید میناره‌سیندن پخش اولماسینا فقط جومعه گونو ایجازه وئریلیب. بئله ایجازه‌نین صادیر اولماسی سوئدین سئکولار جامیعه‌سینده طبیعتاً عکس العملسیز قالمادی. دئییلن ایدعالارین بیری بئله‌دیر: مذهب آزادلیغی فقط مذهب سئچمه‌ده آزادلیق معناسیندا یوخ بلکه اهالی‌نین بیر مذهبی طرد ائله‌ماقدا دا آزاد اولمالاری معناسیندادیر. اذانین میناره‌دن پخش اولماسینا ایجازه وئرماق، مذهبی زورونان اهالی‌نین قوناق اوتاقلارینا قدر تحمیل ائله‌ماق معناسیندادیر. بو دا سوئد جامیعه‌سینه حاکیم اولان سئکولاریزم اصولونون ضیدّینه‌دیر.
بئله اعتیراضلارا گؤره اذانین پخش اولما ایجازه‌سی بوت شیرکا مسجیدینده هله‌لیک موعلّق اولوب.