بیر شئی بیلمه‌میشدن اؤزوزه گلیرسیز و سوروشورسوز: «نه تئز گئج اولدو؟» بونا گؤره زیندگانلیغیزا فیکیرلشمک اوچون واخت قویمالیسیز. واخت قویون کی بیله‌سیز زیندگانلیقدان نه ایستیرسیز و نه‌یه احتیاجیز وار.
ریسک ائتماغا واخت قویون. سئوماغا، گولماغا، اؤرگشماغا و باغیشلاماغا واخت قویون.زیندگانلیق گؤروشدویوندن داها قیسادیر.
اون زاد وار کی گئج اولمامیش اونلاری اؤرگشمه‌لیسیز:
بو لحظه سنین زیندگانلیق لحظه‌ندیر !
سیزین زیندگانلیغیز دونیایا گلندن اؤلن لحظه‌یه قدر دئییل. سیزین زیندگانلیغیز ایندی‌دن سونراکی نفسه قدردیر. ایندی –ائله ایندی و بوردا- زیندگانلیغیزین سیزه وئردیگی تکجه زاددیر. هر لحظه‌دن، قورخوسوز و پئشمان اولمادان ایستیفاده ائدین. الیزده اولاندان لاپ یاخشی ایستیفاده‌نی ائدین و مهربالیق و آرامیشده یاشایین. چونکی بو، کیمسه‌دن گؤزله‌دیگیز تکجه زاددیر، حتّا اؤزوزدن.
زیندگانلیق اوزون دئییل !
بو سیزین زیندگانلیغیزدیر و و گرک اونون اوچون ساواشاسیز. دوز اولان زاد اوچون ساواشین.اینمالاریزا گؤره ساواشین. سیزه موهیم اولانلار اوچون و سئودیکلریز اوچون ساواشین و یاددان چیخارمایین کی اونلارا، سیزه نه قدر موهیم اولدوقلارینی دئیه‌سیز. بیلین کی شانسلی اینسانسیز، چونکی هله فورصتیز وار. بیر لحظه دایانین و فیکیرلشین. لازیم اولان ایشلری ائله بوگوندن باشلایین، صاباح گئجدیر.
بویون ائله‌دیغیز فداکارلیقلار، صاباح سیزه فایدا وئره‌جاق !
اوندا کی بیر مقصده چاتماق اوچون نوبه، آرتیق چالیشماغا یئتیشیر –تحصیلی مدرک آلماق اوچون و یا تازا بیر ایشی باشلاماق اوچون کی زمان و تعهوده احتیاجی وار- اؤزوزدن سوروشمالیسیز کی: « آیا حاضیرم کی عؤرمرومون قالانینی او بیری اینسانلارین یاشایا بیلمه‌دیگی کیمی کئچیرتمک اوچون، عؤمرومون نئچه ایلینی او بیری اینسانلارین خیلافینا زیندگانلیق ائدم؟»
واختیزی تلف ائدنده، دوننین برده‌سی اولورسوز !
آما فعال اولاندا، بونا بنزیر کی دونن، یاخشی بیر دوست کیمی سیزین کناریزدا سیزه کؤمک ائدیر چیگنیزدن بیر یوک گؤتورسون. پس ائله ایندی بیر ایش گؤرون کی گلجکده اؤزوزدن بو ایشه گؤره تشکّور ائده‌سیز. موطمئین اولون کی صاباح، ایشی بوگون باشلادیغیزا گؤره سئوینه‌جکسیز.
مغلوب اولماق تکجه عیبرت آلماق اوچون بیر درسدیر !
یاخجی حادیثه‌لر او آداملارین باشینا گلر کی هله اومیدلری وار، مغلوبیّتی دادسالار دا هله اینانیرلار، ضربه یئماقلارینا رغماً هله سئویرلر. پس زیندگانلیغیزدا اولان حادیثه‌لرین غیبته‌سین یئمه‌یین. بو حادیثه‌لر دگیشمزلر و یادیزدان دا چیخمازلار. اونلارا بیر سئری درسلر کیمی باخین کی اونلاردان عیبرت آلا بیلرسیز و اونلاردان گله‌جاقدا ایستیفاده ائده بیلرسیز.
اؤزوز، لاپ یاخجی رابیطه‌زسیز !
خوشبختلیق او زمان اولار کی اؤزگه‌نین تأییدینه احتیاجیز اولمادان، اؤزوزو یاخجی حیسّ ائده‌سیز.آیریسی اینن یاخجی رابیطه قورمادان اوّل، اؤزوزونن یاخجی رابیطه‌ز اولمالیدیر. گرک ارزیشلی اولماغیزی بیله‌سیز و اطرافداکیلارین گؤزلرینه ایطمینانلی باخیب رابیطه قورماق اوچون، اؤزوزو قبول ائده‌سیز.
حقیقتی، فقط اینسانلارین عملی دئییر !
زیندگانلیقدا ائله اینسانلارینان اوزلشه‌جاقسیز کی دوز زمانلار یاخجی سؤزلر دانیشاجاقلار آما آخیرده عمللرینه باخیب اونلارین باره‌سینده قضاوت ائله‌مه‌لیسیز. اونلارین عمل و کیردارلاری سیزه، اونلارین نه‌جور اولدوقلارینی دئیه‌جاق.
کیچیک محبّتلر دونیانی داها گؤزللشدیرر !
چتین بیر گون کئچیرنلره سلام وئرین. اونلارا محبّت ائدین. محبّت قورتولمایان تکجه سرمایادیر.اینسان اولان هر یئرده محبّت ائتمک اولار. باغیشلاماغی بیر گولومسه‌مکله‌ده اولسا اؤرگشین. بونا گؤره یوخ کی اوندان چوخ واریزدیر بلکه بونا گؤره کی چوخلاری هئچ زادلاری اولمادیقلارینی بیلیرلر.
هر گؤزل زیندگانلیغین دالیسیندا درد واریمیش !
ییخیلیرسیز، دورورسوز، کیریخیرسیز، یاشیرسیز، اؤرگشیرسیز. سیز اینسانسیز، کامیل دئییلسیز. ضربه یئییبسیز آما هله دیریسیز. بونا فیکیرلشین کی دیریلیق، نفس چکمک، حظ آپارماق و سئودیکلریزین دالیسی‌جان گئتمک نه قدر گؤزلدیر. بعضاً یاشاییش سفرینده بیر سئری چتینلیقلارلا اوزلشیرسیز آما هله چوخلو گؤزللیکلر وار. صدمه گؤرموش اولساقدا اؤز آیاغیمیز اوستونده دایانمالی‌ییق چونکی هئچ واخت بیلمیروق بیزه نه گؤزلور.
زمانین کئچمه‌سی و تجروبه قازانماق، دردلری ساغالدار !
زمان کئچدیکجه تجروبه‌لر چوخالار و زیندگانلیغین خوش و بد گونلری دالدا قالار. تجروبه چوخالدیقجا آجی خاطیره‌لر خوش تجروبه‌لرین ایچینده قویلانار و تأثیرلری آزالار.تجروبه آز اولدوقجا هر کیچیک آجی حادیثه‌نین بؤیوک تأثیری اولا بیلر.