«بلائر»15 یاشلی ایسلندلی قیزدیر کی آدینی ساخلاماق اوچون بو اؤلکه‌نین دولتی علیهینه شیکایت ائدیب.
ایسلند دیلینده اونون آدی «بالاجا نسیم» معناسیندادیر و بو آد، ایسلندی محبوب میلّی یازیچی هالیدور لاکسنسین رومانینداکی بیر شخصیّتین آدیندان آلینیبدیر. آما دولت اونو بو آددا قالماغا ایجازه وئرمیر. بونا بنزیر کی بیر فرانسه‌لی ائلیه بیلمیر قیزی‌نین آدینی کوزئت قویسون.
ایسلندده آد قویما مسأله‌سینده دونیانین لاپ چتین قانونلاریندان بیری ایجرا اولور. و ظاهیراً جماعت‌ده دولت قاباغیندا باش اگیب کئچینیرلر.
بو اؤلکه‌ده آدلار بیر لیست اوزوینن سئچیلمه‌لیدیرلر. بو لیستده 1712 اوغلان آدی و 1853 قیز آدی وار. ایسلند مقاملاری دئییرلر بو قانون مملکتی یکدست ائله‌ماغا یاخجی یولدور.
اوشاقلارینا بو لیستدن خاریج آد قویماق ایسته‌ین آتا-آنا، گرک تقاضالارینی مخصوص بیر کومیته‌یه گؤندرسینلر کی اوردا تأیید و یا ردّ اولا.
آما بو قانون فقط ایسلندده دئییل. چینده‌ده خاریجی دیللردن اولان و بو اؤلکه‌نین اقلیّتلری‌نین دیلینه مربوط اولمایان آدلارین قویولماسی قاداغاندیر.
فرانسه‌لی آتا-آنالار دا 1960-نجی ایللرینه قدر مجبور ایدیلر اوشاقلارینا، کاتولیک قیدّیسلرین بیری‌نین آدینی قویسونلار، آما بو قانون لغو اولدو.