کانتی اخلاقلا ارسطویی اخلاقین، ایکیسی‌نین‌ده بوگون اوچون سؤزلری وار. کانت، اخلاقدا بوس-بوتون وظیفه‌یؤنوملو ساییر. کانت بو جهتدن وظیفه‌یؤنوملودور کی دئییر بیر داورانیشین دوز اولماسی اونون تکلیفله موطابیق اولماسینا گؤره‌دیر. حقیقتده اونون نظرینه بیر ایشین دوزلوغونون معناسی او عملین ائشیگینده یوخ بلکه اؤز ایچینده‌دیر، و بو دقیقاً وظیفه‌یؤنوملولوگون اؤزودور. وظیفه یؤنوملو اولانلار بونا اینانیرلار کی بیر ایشین دوزلوغو اونون اؤز طبیعتینه گؤره‌دیر نه آیری بیر زادا خاطیر.
ارسطو فضیلت‌یؤنوملو اخلاقا اینانیر. اخلاقدا فضیلت‌یؤنوملولوق، اخلاقا ائله بیر باخیشدیر کی موختلیف تفسیرلری وار. بو باخیش بوتون تفسیرلری‌نن اؤزونو مقصد یؤنوملولوق و وظیفه‌یؤنوملولوگه رقیب بیلیر و «فضیلت» و «کاراکتر» کیمی مفهوملارا تأکید ائلیر.تازا عصر، اخلاقی بئله تعریفلیر کی اخلاق دوز و ایشتیباه داورانیشلاردان دانیشیر.آما فضیلت اخلاقی، بو باخیشی دگیشدی و اخلاقین اساس سوآلینی یاخجی یاشاییش و اونون نئجه‌لیگی‌نین اوستونه آپاردی.
هم ارسطویی اخلاق و هم کانتی اخلاقین، بوگون اوچون سؤزلری وار. هر ایکی اخلاق حوزه‌سیندن نوکته‌لر گؤتوروب بوگونکی عصرده ایشه سالماق اولار.
اصلینده بو ایکی اخلاق حوزه‌سینه ائله باخمامالی‌یوق کی اونلار بیر-بیرلریله دوشمندیلر. هر ایکی حوزه طرفدارلاری دانیشیقلاریندان بوگونکی عصریمیزه فایدالی نوکته‌لر آلا بیلریک.