جنوبی آفریقانین «میدراند» شهرینده یئرین جنوبی یاریم کوره‌سی‌نین لاپ بؤیوک مسجیدی 55 مترلیق میناره‌اینن تیکیلدی.

المنار شبکه‌سی‌نین وئردیغی خبره گؤره, جنوبی آفریقانین لاپ بؤیوک مسجیدی کی تورک سرمایه‌قویانلارین حیمایتی دوزلیب, کئچن پنجشنبه آچیلدی.

جنوبی آفریقانین «میدراند» شهرینده دوزلمیش بو مسجید, ایسلامی بیر موجتمعین اورتاسیندا دوزلیب و بیر 55 مترلیق میناره‌سی وار و ائله بونا گؤره یئرین جنوبی یاریم کوره‌سی‌نین لاپ بؤیوک مسجیدی تانینیب.

بو مسجیدین گونبذی‌نین قوطری 24 متردیر و 16-جی قرنده ترکیه‌نین «ادرین» شهرینده تیکیلمیش «سلیمانی» مسجیدین اولگوسی اینن تیکیلیب.

جنوبی آفریقانین لاپ بؤیوک مسجیدی‌نین تیکیلمه‌سی 3 ایل چکدی و ایقتیصادی پایتخت اولان ژوهانسبورگ شهری و سیاسی پایتخت پرتوریا آراسیندا یئرلشیب.

بو مسجیدین یئرلشدیگی موجتمع‌نین مدرسه, ورزشی میدانلار و هابئله بیر مریض‌خاناسی وار کی نلسون ماندلانین حیمایتی اینن دوزلیب.

جنوبی آفریقانین رئیس جومهوری جاکوب زوما بو مسجیدی ایفتیتاح ائدنده دئدی کی بو مسجیدی تیکیلمه‌سی دینلر آراسیندا آنلاییشا کؤمک ائده‌جاق.

جنوبی آفریقا مسیحی بیر اؤلکه‌دیر کی  50 میلیون جمعیتی‌نین فقط 650 مین نفری موسلماندیر.