ولی فقیهین شرقی
آذربایجانداکی نوماینده‌سی و تبریزین
ایمام جومعه‌سی دئدی: موسلمانلار گرک ایسلام و اونون عزیز پیغمبریندن حیمایت ائله‌ماقدا,
قانلاری‌نین آخیر قطره‌سینه‌جن دایانسینلار.
آیت الله مجتهد شبستری
تبریزین بو هفته‌کی ناماز جومعه خوطبه‌لرینده آمریکادا دوزلمیش پیغمبره توهین ائدن
فیلمی و فرانسه‌ده توهین آمیز کاریکاتورلارین پخشینی محکوم ائله‌ماغینان تأکید
ائله‌دی: بو ایقداملار ایسلام دونیاسی‌نین غضب و اینزیجارینا باعیث اولدو و
موسلمانلار هر جور توهینی محکوم ائدیرلر و ایسلام و پیغمبردن دیفاع ائله‌ماغی
قانلاری‌نین آخیر قطره‌سینه‌جن ایدامه وئره‌جاقلار.
جومعه
خطیبی غرب باشچیلاری‌نین ضید ایسلامی حرکتلرده دخالت ائله‌مه‌دیقلارینا اساساً یالان
ایدعالارینا ایشاره ائتدی و دئدی: غرب باشچیلاری توهین ائدنلرینن برخورد ائله‌مه‌ماغینان
اؤز حیمایتلرینی اونلاردان بیلدیردیلر و یالانچیلیقلارین ثابیت ائله‌دیلر.
او ایقتیصاد و دارایی و صنعت، معدن
و تجارت و مرکزی بانکین رئیسیندن ایسته‌دی کی ارزین اوجوزلاشماسی اوچون بیر حرکت
انجام وئرسینلر.