ایتالیا پایتختی رم شهری‌نین
تاریخی مرکزینده ساندویچ یئماق قدغان اولدو و بو خیلافا مورتکیب اولانلار جرمه
وئرمه‌لی اولاجاقلار.
فرانسه خبرگوزاریسی‌نین
وئردیگی خبره گؤره, رم شهرداریسی تازالیقدا بو قانونی ایجرا ائدیر و اونون
اساسیندا بو شهرین تاریخی مرکزینده ساندویچ یئماغین 25 دن 500 یورویاجن جرمه‌سی
وار.
رم شهرداریسی اؤز ایطیلاعیه‌سینده
تأکید ائدیب بونا گؤره کی تاریخی بینالارین یانیندا ساندویچ یئییب نوشابه ایچماق مانع
اولور کی جماعت و توریستلر بو بینالارین منظره‌سیندن لذّت آپارسینلار, بونا گؤره
بو محدوده‌ده هر جور ساندویچ و نوشابه یئییب-ایچمک قدغاندیر و بو خیلافا مورتکیب
اولانلار 25 دن 500 یورویاجن جرمه وئرمه‌لی اولاجاقلار.
بو قانون هله‌لیقدا آزماییشی
صورتده دسامبرین 31-جن ایجرا اولاجاق.
عین زماندا ایتالیانین
ونیز, فلورانس و بولونیا کیمی آیری شهرلری‌ده شهرین تاریخی مرکزینده ساندویچ یئماق
قدغانلیغینی ایجرا ائدیبلر.