بورا سیلاح و توپ-توفنگ بازاری
دئییل بلکه معمولی بازاردیر کی ساتانلار و آلانلار همیشه ازیلماق خطری‌اینن اوز به
اوزدولر.
فارسین وئردیگی خبره گؤره, تایلند
پایتختی بانکوکون یاخینلیغیندا بیر تره‌بار بازاریندا جماعت همیشه قاطار آلتیندا
قالماق خطرینده‌دیلر چونکی قاطار بو بازارین دوز اورتاسیندان کئچیر.
بو منطقه جماعتی‌نین جان بلاسی
اولان بو قاطار نه آز نه چوخ گونده 8 دفعه ساتانلار و آلانلارین اعصابی و
آلیش-وئریشینه قوناق اولور.
چوخ واختلار بو قاطار میوه‌لر و
گؤیلرین اوستوندن گئدیر. البته بو مسأله قاطارین سرنشینلری و بازار جماعتی اوچون
طبیعی و عادی بیر مسأله‌یه چئوریلیب آما توریستلر بونو گؤرنده چوخ
قورخورلار.
قاطارین سسین ائشیدنده هامی نئچه
دقیقه‌لیغا وساییلینی ییغیشدیریب کنارا چکیلیر کی قاطار دا اؤز ایشینه یئتیشسین.
قاطار ردّ اولاندان سونرا هامی یئرینه قاییدیر ائله‌بیل کی هئچ, قاطار گلیب
گئتمه‌ییب.
قاطارین سورعتی ساعتده 15 مایل اولور.
بللی دئییل بازار قاطار یولو اوستونده دوزه‌لیب یوخسا قاطارین سونرادان یولو
بازاردان دوشوب.