ولی فقیهین شرقی آذربایجاندا نوماینده‌سی
و تبریزین ایمام جومعه‌سی اهر, هریس و ورزقان زلزله‌زده‌لرین هر نه تئزراق و داییمی
ایسکان تاپمالارینی ایسته‌دی.
آیت الله محسن مجتهد شبستری یکشنبه
گونو فیطر بایرامی نامازی‌نین خوطبه‌لرینده, بونا تأکید ائله‌ماغینان کی
زلزله‌زده‌لرین هر نه تئزراق و داییمی ایسکانلاری اونلارین اصلی احتیاجلاریدیر,
دئدی: بو زمینه‌ده گرک جماعت و دولت ال-اله وئرسین و صدمه گؤرموش کندلرین جماعتینه
دواملی و مؤحکم ائو دوزتسین.
او آرتیردی: سویوق فصلی بو شهرلرده
اؤلکه‌میزین آیری نوقطه‌لریندن تئز چاتار و واجیبدیر کی مسؤوللار و دولت
زلزله‌زده‌لره ایمکانلارین حاضیرلانماسی اوچون چالیشسینلار و ایجازه وئرمه‌سینلر کی
جماعتین عزیزلری‌نین عزاسیندان سونرا آیری موشکوللری قالسین.
آیت الله مجتهدشبستری خراب اولموش
ائولرین تازادان دوزتمه‌سینی دولتین و اورگانلارین بیرینجی موهوم وظیفه‌لریندن
بیلیب آرتیردی: گرک بو کندلرین تازادان دوزتمه سورعتی نئچه برابر اولسون و دیقّت
یئتیرماق لازیمدیر کی کندلرین تازادان دوزتمه‌سینده موشاریکت ائله‌ماق خیر ایشدیر و
پاداشی وار.