شرقی آذربایجانین صنعت, معدن و تیجارت
سازمانین رئیسی بو ایلین اوّل دؤرد آییندا 52 اؤلکه‌یه 226 میلیون دولارلیق محصولون
صادیر اولماسیندان خبر وئردی.
فارسین تبریزدن وئردیگی گوزاریشه گؤره,
شرقی آذربایجانین صنعت, معدن و تیجارت سازمانین رئیسی محمدجعفر عظمایی تبریز
فرمانداری‌سینده غیری نفت صادیرات گروهونون جلسه‌سینده دئدی: بو ایلین ایلک دؤرد
آییندا, 226 مین 741 تون محصول 260 میلیون و 332 مین و 146 دولار ارزیشینده
اوستانین گومروک یولو ایله اؤلکه‌دن صادیر اولوب.
او آرتیردی: بو رقملر چکی
باخیمیندان کئچن ایله گؤره بیر درصد و ارزیش باخیمیندان 32 درصد چوخالیب. هابئله بو
ایلین ایلک دؤرد آییندا 175 مین و 8 تون جور به جور محصول 379 میلیون و 604 مین و
254 دولار ارزیشینده شرقی آذربایجان گومروکلری یولی‌اینن اؤلکه‌یه وارید
اولوب.
او آرتیردی: بو رقملر کئچن ایله
نیسبت چکی باخیمیندان 5 درصد و ارزیش باخیمندان بیر درصد چوخالیب. بو ایلین ایلک
دؤرد آییندا غیری نفت صادیراتین مقصدی 52 اؤلکه و واریدات 36 اؤلکه‌دن
اولوب.
او بونو دئماغینان کی بو مودّتده صادیر
اولان محصوللارین یوزده 35 صنعتی محصوللار اولوب, دئدی: صادیرات چوخالماسی‌نین لاپ
چوخو آزاد آراز صنعتی منطقه‌سینه مربوطدیر. اؤلکه‌نین بوتون صادیراتی‌نین آماری بو
ایلین ایلک دؤرد آییندا 12 میلیون دولاردیر کی کئچن ایله نیسبت 24.2 درصد
چوخالیب.