ابن سینایا معروف اولان
شیخ الرئیس، حجة الحق، شرف الملک، امام الحکماء، ابو علی حسین بن عبدالله بن سینا
(1037 980 میلادی) ایسلام دونیاسی‌نین لاپ بؤیوک مشایی فیلسوفی و
طبیبی‌ایدی.
شیخ الرئیس کی اؤزو دگرلی اینسانیدی,
18 یاشیندا بلخ شهریندن همدانا گلدی.
اونون کیتابلاری بونلاردان عیبارتدیر:
شفا کیتابی کی تاریخ بویو ارزیشلی فلسفه کیتابلاریندان ساییلیر. هابئله اشارات و
قانون کیتابی کی طبابت زمینه‌سینده‌دیر.
1100 ایل بوندان قاباغ او همدان
شهری‌نین بیر گوشه‌سینده اوتوروب قانون کیتابین یازدی و ناخوشلوقلاری
موعالیجه‌لری‌اینن توضیح وئردی. او معده مسأله‌سینه چاتاندا یازیر: اینسانین
معده‌سی‌نین 10 جور دردی وار کی اون‌بیرینیجی‌سی هله تاپیلماییب!
ابن‌سینانین موفقیت رمزی
البته کی ابن سینانین بئینی
بیزمکیندن آغیر دئییلدی. او دا معمولی بیر موسلمان ایدی و بیزینن فرقی بو ایدی کی
عقلیندن ایستیفاده ائله‌دی. ابن سینانین, قودرتلی خطیب و اخلاق اوستادی
نظام‌العلماء اینن گؤروشمه‌سی جالیبدی: نظام‌العلماء کی ادبسیز و پخیل بیرسی‌ایدی.
بونونلا بئله کی ساوادلیدی و جامیعه‌ده یاخجی علمی موقعیتی واریدی, آما ابن سینایا
دؤزه بیلمیردی. او اؤز علمی قودرتیندن ایستیفاده ائدیب ابن سینانین کافیرلیغینا
حؤکم وئردی.
ابن سینا کی بؤیوک فیلسوفیدی نظام
العلماءنین جوابیندا بئله یازیر:
منیم کیمی‌نین کافیرلیق حؤکمونو وئرماق
بئله آسان ایش دئییل, چونکی منیم ایمانیمدان قَوی ایمان یوخدور. دونیادا منه تای
تکجه من وارام و اگر من‌ده کافیر اولسام یئر اوزونده موسلمان اولماز.