بو ایل آرژانتین موسلمانلاری دوققوز ساعت یاریم و دانمارک موسلمانلاری ایرمی بیر ساعت اوروج توتماغینان لاپ قیسا و لاپ اوزون اوروج زمانینی اؤزلرینه ایختیصاص وئریبلر.

فارسین بحرینین اخبارالخلیج روزنامه‌سیندن وئردیغی گوزاریشه گؤره, دانمارک موسلمانلاری ایرمی بیر ساعت اوروج توتماغینان لاپ اوزون اوروج زمانینی اؤزلرینه ایختیصاص وئریبلر آما آرژانتین موسلمانلاری دوققوز ساعت یاریم اوروج توتاجاقلار چونکی اونلار آمریکا قارّه‌سی‌نین جنوبی یاریم کوره‌سینده یئرلشیرلر.

آما روسیه‌نین شیمالینداکی موسلمانلار و مخصوصاً «مورمانسک» شهری‌نین ساکینلری بو ایل آغ گئجه‌لری‌اینن اوز به اوز اولوبلار نیه کی اوردا گوندوز 24 ساعتدیر و بیر لحظه ‌ده گئجه اولمور و روسیه‌نین شیمالینداکی موسلمانلاری اوباشدانلیق و ایفطارلارین گونشین گؤیده اولدوغو زمان یئییرلر. بو منطقه‌ده بو طبیعی مسأله‌یه گؤره ایسلام عالیملری اوروج زمانلارینی 20 ساعت‌ موشخص ائدیبلر.