سلامت نیوز: بیر تربیتی
روانشیناس دؤکتوراسی اینانیر کی: موعاصیر دونیادا ساوادلاندیرماق, اؤرگشماغا
موناسیب ایمکانلارین یارانماسی, اصلی هدفلردن ساییلیر.
دؤکتور رخساره فضلی ایسنا اینن دانیشیقدا
مدرسه‌لرین آموزشی برنامه‌لری باره‌ده دئدی: ایبتیدایی مدرسه‌لر سطحینده ایجرا
اولان برنامه‌لر گرک استعدادلارین چیچکلنمه‌سی و بیرلیقدا یاشاماغی اؤرگتماق
زمینه‌ده ده فایدالی اولسون. آموزش و پروریشین ارشد ایش‌بیلنی اوشاقلارین
باشاریقلارینی آرتیرماق زمینه‌سینده دئدی: بو سازمانین قصدی وار افرادین گوجلرین و
بالقوه استعدادلارین چیچکلندیرسین و چالیشیر تعیین اولموش هدفلر اینن اوشاقلارین
شخصیّتلرینه شکل وئرسین بیر جور کی هم اؤزلرین و هم آیریلارین زیندگانلیقلارینی
یاخجیلاشدیرسینلار و موهوم زمینه‌لرده آددیم آتسینلار.
او ساوادلانما ایستراتژیسی
باره‌ده دئدی: مودیریت و نظارت نیظاملاریندا موشاریکت, گرک اوشاقلارین ابتیدایی
تعلیملری, ایبتیدایی دؤره‌ده یازیلماقدا و تعلیم کیفیتین چوخالتماقدا صرف اولا.
دؤکتور فضلی ایبتیدایی تعلیمه ایختیصاص تاپان بودجه‌یه ایشاره ائدیب دئدی:
ایبتیدایی تعلیمده گرک بودجه چوخالسین. بو زمینه‌ده مالی بودجه و بین‌المیللی کؤمک
چوخالمالیدیر و البته دولتی و خصوصی بخشلرده موشاریکت اولمالیدیر. او اوشاغین
موختلیف یاشلاریندا کامیل‌لشمه‌سی باره‌ده دئدی: اوشاغین
کامیل‌لشمه‌سی بیر پروسه‌دیر کی اوشاق بویویور و فیکر ائله‌ماق, دانیشماق,
ایجتیماعی درک و عاطیفی درکی اؤرگه‌شیر.
او آرتیردی: تعلیم
برنامه‌لری گرک اوشاقلاردا قالارگی اولسون و اونلارا بهداشت
اؤرگه‌دیلسین.