اؤلکه‌نین لاپ بؤیوک داش
مسجیدی, پیلّه‌لی عنصرود کندینده
شرقی آذربایجان ال ایشلری,
فرهنگی میراث و توریزم ایداره‌سی‌نین رئیسی عنصرود کندی‌نین مسجیدینه, میلّی اثرلر
سیراسیندا ثبت ائله‌ماق اوچون پرونده دوزلتماقدان خبر وئردی.
فارسین اسکودان وئردیغی گوزاریشه گؤره,
تراب محمدی بو کندین مسجیدیندن گؤروش ائلیه‌نده دئدی: پیلّه‌لی عنصرود کندی‌نین
مسجیدی‌نین مساحتی کندیوان مسجیدیندن داها چوخدور و اؤلکه‌میزین لاپ بؤیوک داش
مسجیدی ساییلیر. او بو مسجیدین مساحتینی 500 متر موربع اعلام ائله‌دی و آرتیردی:
دوزدور کی ایش بیلنلر بو مسجیدین تاریخین ائلخانلی‌لارا چاتدیریرلار, آما بو
بینانین معمارلیغی و داش یونمالاری بئله گؤرسه‌دیر کی اونون قیدمتی 1500 ایل
اولسون.
محمدی بونو دئماغینان کی
مسجیدین گیریشی ائله دوزلیب کی اونون اوّلدن مسجید اولماسی بعید نظره گلیر,
آرتیردی: شَواهیدین گؤرستدیغینا گؤره عنصرودون داش مسجیدی بوندان قاباق موقدس یئر
ایدی کی ایسلامدان سونرا مسجید عنوانیندا ایستیفاده اولوب.
اوستانین فرهنگی تاریخی اثرلر
ثبت شوراسی‌نین رئیسی بو مسجیدین خصوصیتلرینه ایشاره ائدیب دئدی: بینانین کیراندان
اولماسی باعیث اولوب کی مسجید لاپ آز ایمکانلارینان قیشدا ایستی و یایدا سرین
اولسون.
او دئدی: مسجیدین خانیملار و
آقالار اوچون ایکی آیری قاپیسی, ائلخانلی محرابی و مؤهور, سجاده و چرشاب قویماغا
مخصوص یئری وار.