1795 میلادی ایلی ژوئن آیی‌نین 26-سیندا
آلمانلی فیلسوف «کانت» اؤز «قالارگی باریش» اثرینی یایدی.
آلمانلی فیلسوف Immanuel Kant
(1804- 1724) اؤز عصرینده دئموکراسی‌نین لاپ بؤیوک حیمایتچیسی‌ایدی. او بیر زماندا
جماعتین اساسی حقلری‌نین تأمینی و اؤلکه‌لرین ترقّی‌سی اوچون دئموکراسی ضرورتیندن
دانیشیردی کی اوروپا اؤلکه‌لرینده او جومله‌دن آلماندا (پروس) فئودال سیستمی حاکیم
ایدی.
«قالارگی
باریش» کیتابینی اوخویاندا کانتین عقیده‌لر و فرضیه‌لریله تانیش اولماق اولار.
کانتین نظری بیرینجی مرتبه‌ده بیر اؤلکه‌نین داخیلی دئموکراسی‌سینده ایدی. او
بئله اینانیردی کی دئموکراسی‌نین لازیمه‌سی آچیق سیاستدیر «Openness»,
نه اینکی ایشلرین گؤرولمه‌سینه افراد گیزلینجه تعیین اولسون. او دئییردی کی بیر
جامیعه‌ده دئموکراسی موحقّق اولسا بئله بیر جامیعه, ائله اینسانلار خلق ائلر کی
بوتون دیقّتله و منطیق اوزو اینن تصمیم توتارلار و بئله‌لیکله اونلارین تصمیملری
جامیعه‌نین سعادتینه و منفعتینه گؤره اولار. اوندان علاوه بو تصمیملرین موخالیفی
آز اولاجاق.
کانت دئییر: دولتین
گیزلین ایشله‌مه‌سی کی دئموکراسی‌نین ضیدّیدیر, قودرت اوستونده داعوایا مونجر
اولار و خاریجی قودرتلر ده او داعوایا اودون قالارلار و نتیجه‌ده ایمکانی وار
داخیلی جنگه مونجر اولسون و جنگ _خاریجی و یا داخیلی- جماعتین نفعینه دئییل.
کانت عین حالدا بونا
اینانیردی کی میلّتلر آراسینداکی جنگین باشا چاتماسینا و یئر اوزونون
ایمکانلاریندان دوزگون صورتده ایستیفاده ائله‌ماق اوچون, اؤلکه‌لر اؤز میلّی
حاکیمیتلرین قوروماقلا برابر, بیر بیرلیق (کونفئدراسیون) یارالدالار کی بو صورتده
ایتحادیّه‌نین عضولرینده دئموکراسی اؤز کمالینا چاتار چونکی داها خاریجی سیاست و
تیجاری آلیش وئریشین نیگرانی دئییللر و بئله‌لیکله بشر سعادته چاتار. کانت
ایجتیماعی مسأله‌لرده اینتیخابا تأکیدی واریدی و فرهنگلرین فرقلی اولماقلارین قبول
ائلیردی.
کانت دئییردی:
یاخشیلار بیر-بیری‌نین کناریندا دایانسالار, پیسلر اؤز-اؤزلرینه آرادان گئدرلر.
کانتین تابعلری اونون
اینانجلاریندان بو نتیجه‌یه چاتدیلار می هر اؤلکه‌نین داخیلی انتیظامی بین‌الخالق
مطلوب نتیجه‌لره مونجر اولار و دئموکراسی, بیر اؤلکه‌نین داخیلی اینتیظامین
یارالتماغا لاپ یاخجی یولدور. بو دسته و آیری نظر صاحیبلری, کانتی میلل جامیعه‌سی
و میلل سازمانی‌نین فیکیر آتاسی اولماسینا اینانیرلار.
کانتین عقیده‌لری
20-جی عصرین آخیرلرینده اوروپا ایتحادیّه‌سی‌نین قورولماسینا چوخ کؤمک اولدور.