دانیشمندلرین بعضی دوزلتدیقلاری و
ایختیراعلاری جنگلرده موهوم نقشلری اولوب. لایوساینس سایتی بیر گوزاریشده بو
دانیشمندلرین بعضیسی‌نین تانیتماسینا ایقدام ائدیب.
لئوناردو داوينچي
او, اؤز عصرینده هئیکل‌تراشلیق,
معمارلیق و نقاشلیق زمینه‌سینده بؤیوک دانیشمندلردن ساییلیردی کی اؤز استعدادیندان
جنگی ماشینلارین طراحلیغیندا دا ایستیفاده ائله‌دی. اونون بو زمینه‌ده کی
ایختیراعلاریندان بو گونکی موسلسل‌لرین بیرینجی نسلینه ایشاره ائتمک اولار.
بونونلا بئله بو وساییلین بیر آزی اونون دیریلیغیندا ایستیفاده اولوندو.
آلبرت انشتين
بئله گومان اولونور کی بو فیزیک
عالیمی بیر نامه‌نی ایمضالاماقلا, آمریکا رئیس‌جومهوری,روزولتی ترغیب ائله‌دی کی
منهتن پروژه‌سین باشلاسین. بو پروژه اتوم بومبونون دوزلمه‌سیله نتیجه‌لندی.
رابرت اوپنهایمر
نیو مکزیکونون لوس‌آلاموسونداکی منهتن
پروژه‌سی‌نین رهبری اولان آیری فیزیک عالیمی کی «اتوم بومبونون آتاسی» لقب‌لندی.
رابرت واتسون وات
ایکینجی دونیا جنگینده انگلیستان
ویزارتینه ایشله‌ین رابرت, دوشمن طیاره‌لری‌نین تانیان و رادیویا اساسلانان بیر
سیستمین رهبرلیغین عؤهده‌سینه آلمیشدی. انگلیستان ساحیلینده موستقر اولان رایویی
ایستگاهلار انگلیس جیبهه‌سینده موهوم نقش اوینادیلار.
فرانک ویتل
او سلطنتی هاوا نیرولاری افسرلیق
دانیشکده‌سی‌نین دانیشجوسی کیمی 1922-ده توربوجئت موتورونون طراحلیق ایده‌سین مطرح
ائله‌دی. بو دانیشمندین ایختیراعسی 1944-ده ایشله‌دیلدی. ایندیلیکده جئت موتورلاری
تیجاری هاوا یوللاریندا ایستیفاده اولونور.
آلن تورینگ
او بؤیوک دانیشمندلردن ایدی کی
ایکینجی دونیا جنگینده موتقاطع کلمه‌لر جدول موتخصیصلری و رمز اوخوما واحیدینده
خیدمت ائلیردی. آلمانلی‌لارین انیگما رمزینی سیندیراندان سونرا او «Delilah» آدیندا تازا رمز یازما سیستمی قوشدور.
ورنر فون براون
او اوزاغی ووران موشکلری ایکینجی
دونیا جنگینده آلمانلیلار اوچون طراحلیق ائله‌دی. بو دانیشمندین جنگ زامانی لاپ
موهوم ایختیراعسی V2
موشکی ایدی. جنگدن سونرا او آمریکانین فضایی نیظامی موشکی برنامه‌سینه نظارت اوچون
اورا گئتدی. بو برنامه‌لر عظمتلی Saturn V
موشکلرین دوزلمه‌سینه چاتدی کی آپولونو مأموریتلری اوچون آیا آتدی.