چوخ آز آدام ائلیه بیلر یاشاییشین اوّل ایللرین یادینا سالسین. چون بو زامان هله بئینین او گوجو یوخدور کی ایطّیلاعاتی عصبی مودئل‌لری کیمی -کی همان خاطیره‌لر اولور- ساخلاسین.

دونن ایتیب

چوخ آز آدام ائلیه بیلر یاشاییشین اوّل ایللرین یادینا سالسین. چون بو زامان هله بئینین او گوجو یوخدور کی ایطّیلاعاتی عصبی نمونه‌لری کیمی کی همان خاطیره‌لر اولور, ساخلاسین.

اوشاقلار ایطّیلاعاتی, معنایی حافیظه‌ده ساخلارلار, بونا گؤره هر نه کی احتیاجلاری وار, مثلاً آتا و آنانی تانیماغی لحظه‌ده یادلارینا سالارلار.

ایکی یاشدان دؤرد یاشا قدر اوشاقلاردا ایتّیفاقلار حافیظه‌سی فعّال‌لاشار. بو حافیظه‌نین وظیفه‌سی بودور کی بیر حادیثه‌نین جوزئیّاتین ثبت ائله‌سین. بو خاطیره‌لر بئینین سطحی قابیغیندا یا همان کورتئکس‌ده ساخلانیلیر.

گؤرمه کورتئکسی بئینین دالی طرفینده و  ائشیتمه کورتئکسی بئینین ایکی طرفینده یئرله‌شیب و بو بؤلوملرین هامیسی هیپوکامپ طریقی ایله بیر-بیرلرینه باغلانیرلار.

حقیقتده هیپوکامپ بو قیسمتلرین هر بیریندن گلن ایطّیلاعاتی بیر-بیری‌نین کنارینا قویماقلا, بئیینده عصبی مودئلی ثبت ائلیر کی اونون هر بیر قیسمتینده بیر خاطیره ثبت اولوب.

ایکی یاشدان قاباغاجن هیپوکامپین گوجو چاتماز کی بئیین کورتئکسی‌نین موختلیف قیسمتلریندن گلن ایطّیلاعاتی بیر-بیرینه باغلاسین. بونا گؤره بو یاشداکی حادیثه‌لری یادا سالماق اولماز.

ایکی یاشدان دؤرد یاشا قدر هیپوکامپ فعال اولار و یاواش-یاواش اوشاق ائلیه بیلر ایطّیلاعاتی عصبی مودئل‌لر کیمی بئیینینده ثبت ائله‌سین.

اوشاق, اطرافینداکی دونیانی و ایبتیدایی مفهوملاری اؤرگه‌شن زامان, داها چوخ معنایی حافیظه‌دن ایستیفاده ائلیر و بونا گؤره ایتّیفاقلار حافیظه‌سی بوروشوق و غیر فعال اولور.

یاشاییشین بیرینجی ایللرینده هدف, معنایی بیلماقلاری اله گتیرماقدیر و بونا گؤره ایتّیفاقلار حافیظه‌سیندن ایستیفاده ائله‌ماغا ضرورت یوخدور. و بونو دا بیلمه‌لی‌یوق کی معنایی و ایتّیفاقلار حافیظه‌سیندن عئینی زاماندا ایستیفاده ائله‌ماق, اونلارا اثر قویار.

موحقیقلرین چوخو بئله اینانیر کی اوشاقلیقداکی یاددان چیخارتما باعیث اولار کی اونلار بؤیوگندن سونرا, اوشاقلیق خاطیره‌لرینی یادا سالا بیلمیه‌سیز.

حقیقتده بئله نظره گلیر کی زامان کئچدیکجه اوشاقلیق خاطیره‌لرینی یاددان چیخاردیریق. بو نظریه اساسیندا بیز اینسانلار یاشیمیز آرتدیقجا دؤرد یاشدان آشاغیداکی خاطیره‌لری یاددان چیخاردیریق و بو دؤره‌دن تکجه نئچه ثابیت خاطیره ذهنیمیزده قالیر و بو کشف نیشان وئریر کی اوشاقلیق خاطیره‌لرین جینسی, ایتّیفاقلار حافیظه‌سی جینسیندن دئییل و بو باعیث اولور بو خاطیره‌لردن ذهنده هئچ بیر عصبی مودئل قالماسین.