سلامت نیوز: مشهد پزشکی علملر دانیشگاهی‌نین رفتاری علملر و روانپزشکی تحقیقات مرکزی‌نین عضوی بونا ایشاره ائله‌ماغینان کی جمعدن قورخما بیر ایضطیرابی ایختیلالدیر, دئدی: جمعدن قورخان شخص, او ایجتیماعی موقعیت و ایشدن آشکار قورخوسو وار کی اوردا تانیمادیغی آداملارلا اوز به اوز اولور و یا ایمکانی وار اونلارین دیقّت مرکزینده اولا. بو زاماندا شخص قورخور ائله رفتار ائلیه یا ایضطیراب علامتی گؤرسه‌ده کی اونون تحقیر و شرمنده اولماسینا مونجر اولا.

دؤکتور نغمه مخبر خاطیرلادی: جمعدن قورخماغا موبتلا اولان شخص شفاهی سوآللارا جواب وئرن زامان و یا سوخنرانلیق زامانی تحقیر اولماقدان و اوتانماقدان بتر قورخار. سلامت نیوزون بهداشت ویزارتی‌نین سایتیندان نقل ائله‌دیغی گوزاریشه گؤره, مشهد پزشکی علملر دانیشگاهی‌نین رواپزشکی گوروهونون دانیشیاری بونا ایشاره ائله‌ماغینان کی جمعدن قورخماغا موبتلا اولان شخص اؤز قورخوسونون ایفراطی و غیر منطیقی اولماسینا موتوجیهدیر, دئدی: بو ایختیلالدا شخص ایجتیماعی موقعیتلردن و ایشلردن ایجتیناب ائلر, یوخسا ناراحاتلیق و شیدّتلی ایضطیرابا دوچار اولار.

دؤکتور نغمه مخبر بونا ایشاره ائله‌ماغینان کی بو ایختیلال اشخاصین معمول برنامه‌لرینده, ایشتیغال‌لاریندا و تحصیل‌لرینده موشکول یارالدار, خاطیرلادی: بو ایختیلالین عؤمور بویو قالماسی 3 دن 13 درصده قدر گوزاریش اولوب و خانیملار آقالاردان چوخ بو ایختیلالا موبتلا اولورلار. او بونا ایشاره ائله‌ماغینان کی جمعدن قورخمانین شایع اولان یاشی نوجوانلیق یاشلاریدیر آما آشاغی یاشلاردا (حتی 5 یاشدا) و یوخاری یاشلاردا دا اولور (حتی 35 یاشدا) دئدی: بو ایختیلال شخصین یاشاییشیندا درین موشکوللر یارالدا بیلر و اونون درمانیندا روان درمانی و داوادان ایستیفاده اولور.