تبریزین ایمام
جومعه‌سی ارومیه دریاچاسی‌نین بؤحرانلی وضعیتینه ایشاره ائله‌ماغینان کی شرقی و
غربی آذربایجانی تهدید ائلیر, دئدی: مسئول‌لار دانیشماق عوضینه اؤز سؤزلرینه عمل
ائله‌سینلر.
فارسین تبریزدن
وئردیگی گوزاریشه گؤره, آیت الله محسن مجتهد شبستری بو شهرین ایمام خمینی(ره)
موصلاسیندا ناماز جومعه خوطبه‌لرینده دئدی: مسئول‌لار ارومیه دریاچاسی‌نین قوروماسی
باره‌ده–کی اؤلکه منطقه‌لرینی و هامیسیندان چوخ شرقی و آذربایجانی خطر معرضینده
قرار وئریب- بیر سئری قول و قرارلار وئریبلر کی ایندیه‌جن اونلارا عمل
اولماییب.
تبریز ایمام
جومعه‌سی بونا تأکید ائله‌ماغینان کی ارومیه بؤحرانی‌نین حلی اوچون گرک هر نه
تئزراق بیر ایش گؤروله, دئدی: دانیشماق و وعده وئرماق گؤرر و گرک هر نه تئزراق بو
بؤحراندان چیخماغا و زیست موحیطی خطردن کی دریاچانین تدریجی قوروماسی‌اینن قاباغا
گله‌جاق کاربوردی برنامه‌لر ایجرا اولسون.
دولت
باهالیقلاری کونترول ائله‌سین
تبریز ایمام
جومعه‌سی هابئله باهالیقلارا ایشاره ائدیب و آرتیردی: مجلیس و دولت جماعتین معیشتی
و باهالیغین آزالماسی و ایقتیصادی مسأله‌لره مخصوص دیقّت یئتیرسین و باهالیغی
کونترول ائله‌ماغا برنامه‌سی اولسون.
او
باهالیقلارین حساب کیتابسیز اولماسیندان اینتیقاد ائله‌ماغینان مسئول‌لاردان
ایسته‌دی بازارا نظم وئرماغینان ایجازه وئرمه‌سینلر کی هر کس اؤز کالاسینی سئودیغی
قیمته جماعته ساتسین.
ایران بالاجا
تهدیده بئله کامیل ایقتیدارینان لاب آز زاماندا جواب وئرر
تبریزین ایمام
جومعه‌سی دئدی: موعظم اینقیلاب رهبرین راحیل ایمامین ایرتحالی‌نین ایل دؤنومونده‌کی
بیاناتی‌نین داخیلی و مخصوصاً خاریجی عکس‌العمل‌لری واریدی و بعضی نظرلرین
دئییلمه‌سینه مونجر اولدو.
او آیدینلاتدی:
شکسیز هامی‌میز بیلیروق کی ایسلامی اینقیلاب راحیل ایمامین رهبرلیغی آلتیندا ایران
جماعتی‌نین عیزّت و ایستیقلالینی قایتاردی و طاغوتلارین خیانتلرین نیشان
وئردی.
آیت‌الله
شبستری دئدی: اینقیلابین موعظّم رهبری راحیل ایمامین مرقدینده‌کی فرماییشلرینده
بویوردولار کی ایسلامی اینقیلابین بونیانگوذاری هئچ‌واخت پوچ ناسیونالیست
دوشونجه‌لرین و یا قومیت‌لرین دالیسی‌جن گئتمه‌دی. ضیمناً ایرانچیلیق و آریاچی‌لیق
او حضرتین طرفیندن مطرح اولمامیشدی بلکه دین حقیقتلری‌نین دالیسی‌جن ایدیلر تا
اونون واسیطه‌سی‌اینن جماعتی ایچه‌ریدن و آللاها توکّول ائله‌ماغینان
دگیشسین و الدن گئتمیش عیزّتین قایتارسین.
تبریزین جومعه
خطیبی رهبرین توصیه‌سی اولان عیزّت و ایقتیدارین ساخلاماسینا تأکید ائله‌ماغینان
دئدی: اینقیلابین موعظم رهبری‌نین دفعه‌لرله دئدیگی کیمی, دونیانین سیاسی محفیل‌لری
هسته‌ای ایرانین خطریندن دانیشیرلار حال بوکی بو سؤزو توغلاماق اوچون دئییرلر و
اونلاری قورخودان فقط ایسلامی ایراندیر.
ولی فقیهین
شرقی آذربایجانداکی نوماینده‌سی دئدی: اینقیلابین موعظم رهبری هابئله ایسلامی
اویانمایا تأکید ائله‌دیلر کی دوشمن و صهیونیسم باشچی‌لاری منطقه دگیشمه‌لریندن
وحشته دوشوب نیظامی حمله‌دن دم وورورلار, حال بوکی بیلمه‌لیدیلر اونلارین هر جوره
آخماق‌یانا حرکتلری ایلدیریم کیمی باشلارینا یئنه‌جاق.
آیت‌الله
شبستری ایدامه‌ده بحرین جماعتی‌نین مظلومیتی و مصر دگیشمه‌لرینه ایشاره ائدیب
آرتیردی: شکسیز بحرین جماعتی دونیانین لاب مظلوم جماعتی‌دیلر کی غربین حیمایتی‌اینن
ظالیم حاکیملرین حمله معرضینده قرار تاپیبلار.
او مصر
دگیشمه‌لری باره‌ده دئدی: بویون مصرده ایکی بؤیوک دگیشیکلیک اولارکن, آیری اینقیلاب
اولماقدادیر. بو ایکی دگیشمه‌لرین بیری رئیس‌جومهورلوق اینتیخاباتی‌دیر کی کئچمیش
رژیمین تؤره‌مه‌لری فاسید رژیمی دیریلتمک قصدینده‌دیلر. و بیری‌ده حسنی نا موبارکین
اعدام اولونماماسیدیر کی بو ایکی حرکت جماعتین شدّتلی اعتیراضینا باعیث
اولوب.
تبریزین ایمام
جومعه‌سی دئدی: مصر و بحرین جماعتینه اعلام ائلیروق کی دونیانین آییق میلّتی
مخصوصاً ایسلامی ایران اونلاردان حیمایت ائلیر و اینتیظارلاری وار صبیرلی و موقاویم
اولوب ایشی قورتارسینلار نیه‌کی آللاهین وعده‌سی حقدیر و شکسیز نوصرت و پیروزلوق
اونلار اوچون موحقق اولاجاق.
او دئدی: آیاغا
قالخمیش میلّتلردن ایستیریک کی غرب توطئه‌سین مخصوصاً آمریکا و صهیونیستی رژیمین
توطئه‌لرین نوطفه‌ده خفه‌له‌سینلر و اونلارا حرکت ایمکانی وئرمه‌سینلر.
ولی فقیهین
شرقی آذربایجانداکی نوماینده‌سی ایدامه‌ده آیت‌الله مشکینی‌نین درگوذشتی‌نین ایل
دؤنومونه ایشاره ائدیب و بو ربانی عالیمین فوقدانینی تسلیت دئییب آرتیردی: شکسیز بو
عالی مقام فقیه, موباریز و اینقیلابی بیر شخص ایدی کی اینقیلاب جریانیندا تأثیرلی
نقشلری واریدی.
او دئدی:
آیت‌الله مشکینی اینقیلابدان سونرا دا اینقیلابین تثبیتلنمه‌سی و دوام تاپماسینا
چوخ کؤمک ائله‌دی و هابئله سککیز ایل موقدس دیفاع ایللرینده جیبهه‌لرده شیرکت ائدیب
جماعت و اینقیلابا اؤز بورجونو ادا ائله‌دی.
او هابئله
ایام‌البیضه ایشاره ائدیب و اوچ گون اعتیکاف ائلیه‌نلرین اله گتیردیقلارین
ساخلاماقلارینا تأکید ائله‌ماغینان آرتیردی: چالیشین بو معنویّتی زیندگانلیغیزین
بوتون لحظه‌لرینه سیرایت وئره‌سیز.