سون بير آي ياريمدا خانوار معيشت سبدي‌نين باهالاشماسيU باعيث اولدو كارگرلرين خريد گوجو آزالسين. ائله كي 389 مين تومن كي 91-جي ايلين حداقل حقوقي ساييلير لاب ياخجي وضعيتده كارگرلرين خرجلري‌نين فقط  يوزده اللي‌سيني گؤرر.

مهرين گوزاريشينه گؤره، بونونلا بئله كي ايلين باشيناجن كارگرلرين حقوقي لاب خوشبينانه شراييطده 60 مين تومن و نهايتاً آيري مزايا ايله تكجه 100 مين چوخالاجاق و بو مسأله كارگرلري سئوينديرميشدي، آما ايلين اوّل ايكي آيينداكي باهاليقلار كارگرلري نيگران ائتدي.

قيمتلرين بيردم بيره و توجيهسيز باهالاشماسي، كارگرلرين خرجلري و گليرلري آراسيندا بير چات يارالتدي، ائله كي حداقل حقوقون 18 درصد چوخالماسي نه اينكي گارگرلرين خريد گوجون چوخالتمادي بلكه قيمتلرين باهالاشماسيله 91-جي ايلين 60 مين آرتيريلميش حقوق، كارگرلرين ياشاييشيندا تفاوت ائله‌مه‌ييب.

تهران اوستاني‌نين ايسلامي شورالار كانوني‌نين هيئت موديره عضوي، علي اكبر عيوضي دئدي: منفعت داليسيجا اولانلار طرفيندن قيمتلرين چوخالماسي كارگرلرين ياشاييشين خطره ساليب، ائله كي كئچن آيلاردا كارگرلرين حقوقون چوخالتماق اوچون، عالي ايش شوراسي‌نين چاليشمالاري تأثيرسيز اولوب.