رئيس جومهورون مخصوص دستياري دئدي: باشارديغيميز قدر
چاليشاجيوق كي بو ايلين آخيرينه‌جن تبريزين شهر قاطاري بو شهرين حمل و نقل
ناوگانينا قوشولسون و تبريزلي‌لره خيدمت وئرسين.
فارسين تبريزدن وئرديغي گوزاريشه گؤره، علي اكبر محرابيان
تبريزين شهري قاطاريندان گؤروش ائدنده دئدي: خوشبختليقدان تبريزين شهر قاطاري‌نين
ايشلري ياخجي قاباغا گئديب و اومودوموز وار بو ايلين آخيرينه‌جن ايكي مرحله‌ده
تبريزين مئتروسي ساعت قاباغيناجن يولا سالينسين.
او هابئله تبريز شهرداريسيندان ايسته‌دي اونونجو ايستگاه
(منصور چهارراهي) محدوده‌سينه عومراني عملياتلارا خاطير فنس چكديرسين و اون‌بيرينجي
ايستگاهين (ساعت قاباغي) اراضي تمولوكونه لازيم اولان ايقداملاري ائله‌سين.
شرقي آذربايجانين اوستانداري حاضير اولان بو گؤروشده تبريز
مئتروسو سازماني‌نين مودير عاميلي، یعقوب انصاری ايجرايي عملياتين گئديشي و فني
موشخصاتيندان توضيحلر وئردي.
او دئدي: تبريز مئتروسي‌نين 64.6 كيلومتر اوزونلوغوندا 62
ايستگاهينان، 4 خط واريدي.