شرقي آذربايجانين ايسلامي ايرشاد و فرهنگ
كولّ موديري: مسجيد كانونلاريني فعال ائله‌ماق فرهنگي توسعه‌يه سورعت وئرر.
شرقي آذربايجانين ايسلامي ايرشاد و فرهنگ
كولّ موديري دئدي: مسجيد كانونلاريني فعال ائله‌ماق فرهنگي توسعه‌يه سورعت وئرر.
فارس خبرگوزاريسي‌نين تبريزدن شرقي
آذربايجانين ايسلامي ايرشاد و فرهنگ كولّ ايداره‌سي عومومي رابيطه‌لريندن نقل ائدن
گوزاريشه گؤره، علي داننده ميانه‌نين «ظوهور مونتظيرلري» فرهنگي و هونري
كانونوندان گؤروشده دئدي: مسجيدلرين فرهنگي-هونري كانونلاري جوانلار و نوجوانلار
اوچون ديني و معنوي آموزه‌لردن بهره آپارماقدا ياخجي يئر و اونلارين بالقوه
ايستعدادلارين فعليّته گتيرماغا ياخجي مكانديلار.
شرقي آذربايجانين ايسلامي ايرشاد و فرهنگ
كولّ موديري، ايرشاد كول ايداره‌سي‌نين مسجيدلرين فرهنگي-هونري كانونلاريندان
حيمايت ائتمه‌سينه تأكيد ائله‌دي.
او هابئله مسجيدلرين فعال ائتمه‌سيني
اوستانين فرهنگي توسعه‌سينه سورعت وئرماقدا موهوم عاميل بيليب دئدي: فرهنگي-هونري
فعاليتلرين مسجيد مئحورينده اولماسي موتعالي هونر و فرهنگيني ايشيقلي اوفوقدا قرار
وئرر.
محمد هادي‌نيا اوستان مسجيدلرين
فرهنگي-هونري كانونلاري دبيرخاناسي‌نين مسولي‌دا بو گؤروشده بو كانونلارين
فعاليتيني، خلاقيتلرين شوكوفا اولماسيندا موهوم و اثرلري اولدوغونو بيلدي.
او دئدي: «ظوهور مونتظيرلري» فرهنگي و
هونري كانوني، ياخين گله‌جاقدا اؤز ديجيتالي فعاليتيني باشلاياجاق و آيري شهرلرين
كانونلارين‌دا اؤز پوششينه آلاجاق.