چاک اورییر (Chuck O’Rear)
دوستونون گؤروشونه گئدماقدا، ماشين سورنده بيلميردي كي اؤز مسيرينده بير مؤولوكدن
سالان عكس دونيانين لاب معروف و لاب چوخ گؤرولن عكسي اولاجاق. شايد چوخلاري بو جور
منظره‌لرين قيراغيندان سووشالار آما هئچ ايش گؤرمه‌يه‌لر. آما چاك اوربير بو صحنه‌ني
گؤردو و اونو تاريخده ثبت ائله‌دي.
سيزلرين چوخو حتماً بو معروف تصويري
مايكروسافت ويندوزونون بك‌گرانديندا گؤرموسوز. چوخلاري بئله بيلير كي بو تصوير
بير ديجيتالي و دوزلتمه عكسدير آما بو يئر دوغرودان‌دا وار.
بو عكسي نشنال جوغرافیکين سابيق عكاسي
چاك اوبير ساليب. او دئيير: بو منظره‌نين كناريندان رد اولاندا بيردن بيره گؤيون
آبي رنگي و بو اوزوملوغون رنگلري‌نين تركيب گؤزلليگينه وورولدوم، بوننان بئله كي
تله‌سيرديم آما ائله‌بيل كي گرك بورانين عكسين سالام، ماشيندان توشوب -هميشه منله
اولان دوربينيمله- بو صحنه‌دن عكس سالديم.
بو عكس 2003-جي ايلينده كاليفورنيانين
شوماليندا ناپا (napa
) شهري‌نين سونوماي(Sonoma) كندينده سالينيب.