جام جم آنلاين: سردفتر و دفتريار كانونلاري‌نين رييسي دئدي:
بوندان بويانا هر جور آليب-ساتماغي ثبت ائتمك اوچون رسمي سندلر دفترلرينده پايان
خيدمت كارتينا احتياج اولماياجاق.
جام جام روزنامه‌سي خبرنيگاري‌نين گوزاريشينه گؤره،
محمدرضا دشتي اردكاني سردفتر و دفتريار كانونلاري‌نين رييسي خبرنيگارلار جمعينده
خيدمت وظيفه قانونون 10-جي ماده‌سي‌نين «واو» بندي‌نين حذف اولماسينا ايشاره ائديب
دئدي: بوندان قاباق دئييلن بند يازيردي كي هر جور موستقيم يا غير موستقيم
آليب-ساتماغين ثبتي، نيظام وظيفه وضعيتي‌نين آراشديرماسينا باغليدير.
او آرتيردي: نهايتده مشورت و كارشيناسليقدان سونرا، ايسلامي
شورا مجليسي دفترلرده رسمي سند تنظيميني راحاتلاماق اوچون، «واو» بنديني حذف ائله‌دي.
سردفتر و دفتريار كانونلاري‌نين رييسي تأكيد ائله‌دي:
بوندان سونرا هر جور آليب-ساتماغين ثبتي اوچون، نيظام وظيفه وضعيتي‌نين
آراشديرماسينا احتياج اولماياجاق و سند ثبت ائله‌ماغا پايان خيدمت و يا معافيت
كارتي لازيم دئييل.